Li Amed, Riha û Dêrsîmê bi hezaran xwendekaran di yekemîn salvegera kuştina xwendekarê Zanîngeha Dîcleyê Aydin Erdem ê li Amedê di çalakiya şermezarkirina girtina DTP'ê bi guleya polîsan hate kuştin, bi boykotkirina dibistan û meşên girseyî hate şermezar kir.

AMED

Xwendekarên Zanîngeha Dîcleyê bi boneya bibîranîna Aydin Erdem ji Fakulteya Perwerdehiyê ya Zîya Gokalp, heta pira Zanîngeha Dîcleyê meşiyan. Bi hezaran xwendekaran ders boykot kirin, neketin azmûnan û tevli meşê bûn. Di meşê pankarta "Rêhevalên xwedî fikrên Aydin û kena Mahsum nemirin" hate vekirin û sloganên "Rêheval Aydin nemir e", "Têkoşîn, Berxwedan riya me riya şehidan" hatin berz kirin. Di meşê de ciwanên ku sirûda "Çarxa şoreşe" jî xwendin, bi slogana "Bê Serok jiyan nabe" bi meşa leşkerî meşiyan û maskeyên wêneyên Erdem li ser xistin rûyê xwe. Di meşê de dema ku polîs nêz xwendekaran bûn, xwendekaran jî strana "Kanî kuçiken me?" xwendin. Ciwanên ku li ber Fakulteya Fen Edebiyatê hatin cem hev ji bo Erdem, rêz girt. Di vê demê li gel ku jinek kal tevli meşê bû û slogana "Kujer Erdogan" berz kir, xwendekaran jî heman slogan berz kir.

Xwendekar, pişt re heta Pira Zanîngeha Dîcleyê meşiyan û qurnefil avêtin Çemê Dîcleyê. Xwendekaran pişt re ji vir xwestin bimeşin avahiya Rêxistina BDP'ê, lê rastî astengiya polisan hatin. Polîsan xwest bi xwenderekî re hevdîtin bike, lê xwendekaran bersîva "Em hemû yek in" dan polisan. Li ser vê helwesta xwendekaran polîsan diyar kir ku nikarin bi girseyî bimeşin û destûr nadin vê yekê. Piştî niqaşên di navbera polîs û xwendekaran de xwendekar bi otobusan hatin avahiya BDP'ê ya Amedê.

DÊRSÎM

Xwendekarên Zanîngeha Dêrsîmê jî bi heman armancê zanîngeh boykot kirin. Xwendekarên Zanîngeha Dêrsîmê îro neçûn dibistanê li ber Dibistana Bilind a Pîşeyê hatin çem hev. Xwendekaran posterên Aydin Erdem û Şerzan Kurt hilgirtin û heta ber Fakulteya Endezyariyê meşiyan. Di meşê de sloganên "Şehit namirin", "Eydin Erdem nemir e", "Ciwan fidaiyên Apo ne", "Ji Îmraiyê re sed hezar slav" û "Bijî Serok Apo" berz kirin. Meşa li ber Fakulteya Endezyariyê bi dawî bûyî bi surd û stranên kurdî xwendekaran govende girt. Pişt re xwendekar ji bo ku li ber Dibistana Bilind a Pîşeyê ya Dêrsîmê daxuyaniyê bidin careke din paş ve dest bi meşê kirin. Di dema meşê de ekîbên polîsan ên TEM'ê xwendekar bi qemerayan kişandin. Li ser vê yekê xwendekaran bertek nîşanî polîsan dan û slogana "Bi cehinnime polîs! zanîngeh ên me ne" berz kirin. Piştî meşê xwendekaran rêzgirtin girt û li ser navê xwendekaran Nacî Ataman daxuyanî xwend. Ataman, bal kişand ser kuştina Aydin Erdem, Mahsum Karaoglan û Şerzan Kurt û anî ziman ku ji bo ciwanên kurd nexwînin rastî pêkutiyan tên. Ataman, diyar kir ku bi taybet jî li bajarên rojavayê li hemberî xwendekarên kurd û xwendekarên demokrat êrîş pêktên.

QOSER

Endam û rêveberên Rêxistina BDP'ê ya Qoserê û MEYA-DER'ê ya Amedê jî li Gundê Rêsînê yê Aydin Erdem lê ji daik bûye gora Aydin Erdem ziyaret kirin û Aydin Erdem bibîr anîn.

Gundiyan konvoya BDP'ê û MEYA-DER'ê bi dirûşme û tilîliyan pêşwazîkirin. Piştî pêşwazîkirinê gundî li gel konvoyê bi girseyî çûn ser gora Aydin Erdem. Li ser gora Erdem Serokê MEYA-DER'ê ya Amedê Alî Ozgen axivî û got: "Di vê rêyê de bi hezaran ciwanan jiyana xwe ji dest dane. Kujerên Kaymaz, Ata û Ceylan Onkol ki bin, kujerê Aydın Erdem jî ew in.

Serokê Rêxistina BDP'ê ya Mêrdîn Alî Aslan jî got, anî ziman ku Aydin xwedî fikreke azad bû. Aslan, xwest komîsyona lêkolîn û heqîqêtê bê avakirin û kujerên ciwanên kurd bên ronîkirin. Piştî axaftinan deqîqeyek rêzgirtinê dest pê kir.

RIHA

Li Rihayê jî Aydin Erdem bi merasîmekê hate bibîranîn. Merasîma Ciwanên Welatparêz û Demokratîk (DYG) li Navenda Çand û Hunerê ya Rihayê (UKSM)'ê li dar xistin, Wekîlê Serokê Rêxistina BDP'ê ya Rihayê Abdulkadîr Çîçek, rêveberên BDP'î, endamên Komeleya Zanîngehên Herranê (HODER) û bi sedan xwendekar beşdar bûn. Li salonê, panqartên "Aydin Erdem Rumeta me ye, Rumeta me ne bê xwediye" û "Me jibîr nekir, Em ji bîr nakin û Nadin Jibîrkirin" û dowîzên, "Ciwanên bi erdem yên pêşerojê ronî dikin in" û "Ciwanên welatparêz ên ronî bûne, dê bi rojê azadiyê bi dest bixin" hatin daliqandin. Merasîma bîranînê bi rêzgirtinê dest pê kir. Piştre jî helbestên ji bo Aydin Erdem hatibû nivîsandin hatin xwendin. Di merasîma bernameya muzîkê jî hebû, sînevîzyona bi mijara dîroka tevgera xwendekaran hate nîşandin. Ciwanan bênavber dirûşmeyên, "Bıji Serok Apo" û "Ey şehîd xwina te li erdê namîne" hatin gotin.

WÊRANŞAR

Li Navçeya Weranşarê ya Rihayê jî, ciwanên endamê DYG'ê, bi heman armancê merasîma bîranînê li dar xist. Di merasîma li avahiya Rêxistina BDP'ê ya Navçeyê hate li dar xistin de, gelek kes beşdar bûn. Li salonê wêneyê Aydin Erdem û panqarta, "Rêya me ronî, têkoşîna me dê bi erdem be" hate daliqandin. Di bîranîna Aydin Erdem helbest hatin xwendin. Di merasîma nameya Erdem hate xwendin de, Serokê Rêxistina BDP'ê ya Navçeyê Ferzende Ata, axaftinek kin kir. Ata, balkişand ser pêkutiyên li dijî ciwanên kurd û da zanîn ku ciwanên kurd dê bi yekîtiya xwe bersivê bidin van pêkutiyan.

Ji DÎHA'yê hatiye girtin