Diyarname

Amed Spor vê hefteyê li mala xwe dê ligel Pendîk Sporê bilîze. Serokê Klûba Amed Sporê Metin Kilavuz eşkere kir ku bilêtên maçê dê bi 1 TL'yî bifroşin û banga temaşekirinê kir.

Di Koma Spî ya Lîga 2'yemîn de vê hefteyê Amed Spor li mala xwe Pendîk Sporê dike mêvan. Li ser maça vê hefteyê û bi giştî rewşê li klûbê Serokê Klûbê Metin Kilavuz û Teknîk Dîrektor Îbrahîm Cezayîr daxuyanî da çapemeniyê. Cezayîr got ku her hefte li hemberî Amed Sporê hakêm biryarên krîtîk didin, di hefteya dawî de li deplasmana Gumuşhaneyê di dema tîma me li pêş bû xetayên hakêm raste rast bandor li skorê kir. Cezayîr xwest ev rewş bi dawî bibe.

Cezayîr diyar kir ku 8 hefteyên mane muhîm in û dixwazin bi maça vê hefteyê dest bi seriya serketinan bikin.

Serokê Kilûbê Kilavuz jî axivî û got: "Em ne li hemberî 11 kesan dilîzin. Em dixwazin li hember3i 11 kesan bilîzin. Bila ji kerema xwe re hakêm nebin alîgir. Hakêm bila peywira xwe bînin cih."

Kilavuz diyar kir ku li deplasmanê her qedexeya ji bo temaşevanên wan didome û ji bo maça vê hefteyê jî got: "Maça vê yekêmê ku li Stada Diyarbekirê emê li hemberî Pendîk Sporê bilîzin bilêtên wê bi 1 TL'yî ne, em bangî hemû gelê xwe dikin ku bên."

Her wiha Kilavuz diyar kir ku ev maç rastî 8'ê Aderê Roja Jinan a Dinyayê tê û ji bo vê yekê ewê ji jinan pere nestînin.