Diyarname

Li Çînê vîrusek derketiye ku bi lez belav dibe ku navê "koronavirus" lê kirine.

Heta nihah 41 kes jê mirine. Û vîrus her ku diçe belav dibe. Li ser vê yekê Çînê biryar da ku gelê wan dernekeve derveyî Çînê û ji derve jî kom neyên.  Acenteyên tûrîzmê ji duşemê wêdetir dê gerên bo koman û bernameyên xwe yên din bidin rawestandin.

Serokdewletê çînê Şi Cinping ragihand ku weltê wan bi rewşek "talûke" re rû bi rû ye û diyar kir ku li bajarê Vuhanê ji bo dermankirina kesên bi vîrusê ketine nexweşxaneyeke din amade kirine.

Rojnameya Wall Street Journal ragihand ku DYA'yê dê roja yekşemê balafirek taybet bişîne Vuhanê û hemwelatiyên xwe ji Çînê bînin. Li Vuhanê nêzî hezar hemwelatiyên DYA'yê hene.

Li derveyî Çînê li Herêma Taybet a Hong Kongê 5, li Herêma Îdarî ya Taybet a Makau 2, li Taywanê 3, li Taylandê 4, li Japonyayê 2, li Başûrê Koreyê 2, li DYA'yê 2, li Sîngapûrê 3, li Nepalê 1, li Fransayê jî rastî 2 vîrusên bi vî rengî hatine. Her wiha li Japonya û Taylandê du kesên bi vê vîrusê ketine hatine dermankirin.

Komîsyona Tenduristiyê ya Neteweyî ragihand ku hejmara kesên bi vîrusê ketine derketiye hezar û 287 kesî û ji van 237 kes rewşa wan giran e.