Diyarname
Di 27'emîn Festîvala Fîlman a Navneteweyî ya Stenbolê de 170 hezar kesî li fîlman temaşe kir.

27'emîn Festîvala Fîlman a Navneteweyî ya Stenbolê îsal di navbera 5-20'ê mehê de li dar ket. Niha encama temaşekirina festîvalê hate eşkerekirin. Di dawiyê de ev encam derketin:

- Di du hefteyan de li 6 salonan 473 seansên fîlman li dar ketin.
- Li dor 200 fîlmî hatin nîşandayîn û 170 hezar kesî li fîlman temaşe kir.
- Fîlmên nav hefteyê ku bilêtên wan bi erzanî, bi 3,50 YTL'yî dihat firotin bi eleqeyeke mezin re rû bi rû man.
- Beşên din ku di festîvalê de bal kişandin jî ev bûn; "Galayên Akbankê", “Belgeselên Nifşê NTV", "Ji Festîvalên Dinyayê", "68 û Mirasa wê", "Herêma bi mayîn", "Hostayên ciwan", "Yên ku li hemberî salan serî hildidin", "Şeydabûna şevê".
- Bi giştî 30 fîlmên ji Tirkiyeyê di festîvalê de hatin nîşandayîn. 11 fîlmên ku di beşa Pêşbaziya Neteweyî de bûn digel temaşevanan ji Tirkiyeyê bala rexnegirên sînemayê yên biyanî jî kişandin.
- Îsal derhênerên kesên wekî Alexander Sokurov, Michael Ballhaus, Alain Corneau, Marc Caro, William Klein, Tony Gatlif, Ed Radtke, Nadine Labaki, Brad Anderson, Parvez Sharma, Teona Mitevska bûn mêvanê festîvalê.
- Konseya Ewropayê Xelasa Sînemayê (FACE) îsal cara diduyan da. Xelata FACE'ê ji ber fîlmê "Çiyayê Kor" dan derhênerê çînî Li Yang.
- Her wiha li 14 cihên cihê panel, konser, partî û pêşangeh hatin li dar xistin.

28'emîn Festîval dê sala 2009'an de dîsa di meha avrêlê de li dar bikeve.