Diyarname

UniCredit Tirkiya ra şina, Audi biryarê newey girotî, Erebeyê bi elektrîk ê rusan yenê, fermo hîrê xeberê serê aborî de.

UniCredit Tirkiya ra şina

Bankeya Îtalya a bi namey UniCredit biryar da ke Tirkiya terk bikero. Reutersî serê ene joy de xebere neşr kerde û cat ke dimay şirîkatî 17 seran a UniCredit û Yapi Kredi, banka biryar dawo ke piyasey Tirkiya derk bikero û şoro. UniCredit hem şirîkê Yapi Kredi, hem jî şirîk3e Serwîsê Fînansî yê Koçî bî. Go wirdînan jî biroşo.

Par dimay ke aborî Tirkiya kewte bî astey vindertişî UniCredît biryar dabî ke go karê xo yê Tirkiya newera saz bikerê û enka biryarêke newe gênê.

Audi biryarê newey girotî

Kompaniya erebeyan Audi ke dinya de bi name û veng a semedê rewşey aborî biryar girot ke pozîsyonê 9 hezar û 500 tenî betal bikero. Kompanî biryar da ke karkeran kar ra nêrzo la go karkeranê newe jî nêgîro kar. Rêveberê Audi Bram Schot vat ke bi ene joy go 6 mîlyar Euro tasarûf bikerê.

Erebeyê bi elektrîk ê rusan yenê

Rusya biryar da ke erebeyê bi elektrîk xebetênê di serey 2020'inan de vecê piyase. Erebey ke namey "Zetta" naw pa go bi 6 hezarî û 400 Euro bêrê rotişî.

Wezîrê Sanayî yê Rusya Denis Maturov vat ke di çarîk demê joyîn ê serey 2020'inan de go erebeyan bikerê piyase la tam tarîx niyard ziwan.

Erebeya ke hîrê beyray cay estê bi ekûyke tam 560 kîlometre eşkena rey dimay xo verdo.

Enka Rusya de dewrê hezar erebeyê bi elektrîkî est ê.