Diyarname

Meclisa Nûneran a Dewletên Yekbûyî yên Amerîkayê (DYA) li gor saetên Tirkiyeyê, êvarê pêşnûmayek dijî Tirkiyeyê dan ber dengdanê. Ji endamên Meclisa Nûneran 403 kesî dengê erê da û pêşnûma qebûl kir, 16 kesî dengê na da.

Pûşnûma di gelek waran de ambargo û lêpirsîn dide ser wezîrên Tirkiyeyê, peymanên leşkerî, Halbankê. Her wiha pêşnûma  CAATSA'yê (Bi Zagonê Ambargoya li ser Neyarên Amerîkayê) jî digire dest.

Piştî ku Tirkiyeyê êrîşê Rojava kiribû nûneran dest bi amadekirina pêşnûmayeke wisa kiribû. Ev pêşnûma bandoreke wê nîn e, tenê wekî dengdayînek e. Piştî Meclisa Nûneran pêşnûmayek qebûl dike ew pêşnûma diçe ber destê Senatoyê. Ger Senato jî erê bike diçe ber Serokdewletê DYA'yê.
Di pêşnûmayê de der barê gelek siyasetmetdar, wezîrî de biryar hat girtin ku li ser hebûna wan lêkolîn bê kirin û rapor bê amadekirin.

Pêşnûmaya Ermenî jî hat qebûlkirin

Her wiha Meclisa Nûneran pûşnûmaya komkujiyan ermenan jî qebûl kir. Meclisê bi 11 na û bi 405 dengên erê pêşnûma qebûl kir. Bi vê pêşnûmayê got Tirkiyeyê li hemberî ermenan komkujî pêkaniye.

(Ev nûçe li gor saeta Tirkiyeyê bi şev hatiye amadekirin û weşandin)