Diyarname

Festîvaley payîze "Fîlmekîmî" emsar 18'inan rey viraziya. Festîvale di miyanê 3-21'ê ene menge de viraziya û bi temamî 72 hezar tenî şî ro fîlman temaşe kerd. Qeybî festîvalêke fîlman eno reqemêke boş o.

Festîvaley Fîlmekîmî Stenbol, Enqera û Îzmîr de viraziya. Fîlmekîmî 3'yê menge de Stenbol de bi motrayişê fîlmê Todd Phillips "Joker" dest pa kerd û di 2 hefteyên festîvale de Festîvaley Cannes û zehf festîvalanê bînan re fîlmî hamey motrayişî. Salonanê sînema Beyoglu Beyoglu, Atlas, Kadikoy Reks, Sînemay Kadikoy, Cinemaksimumê City's a Nîşantaşî de bi temamî 241 seansan de 65 fîlmî veciyay vernî temaşekerdoxan. Stenbol de 63 hezar tenî ro fîlman temaşe kerd. Temaşekerdoxê wirdî bajarên bînan jî bikerê ser bi temamî 72 hezar tenî ro fîlman temaşe kerd. Fîlmekîmî rey joyînan di serey 2002'yinan de dest pa kerd bî. A sere di 35 seansan de 20 fîlmî hameybî motrarayiş û 15 hezar tenî şîbî ro fîlman temaşe kerd bî.

Fîlmekîmî di serey 2020'inan de rey 19'inan go reyma ene menge de viraziyo.