Kobanî
Li kantona Kobanî di navbera salên 2018-2019`an de tevgerek çalak girêdayî avakirina sehayên fûtbolê û pêşxistina werzîşê çêbû.
Yekîtiya Werzîşê ya Kantona Kobanî ji destpêka sala heyî ve sehayek şeşgoşe ji bo futbolê ku bi gîhayê çêkerî hatiye raxistin ava kir.
Bi dehan şêniyên kantonê tevî hevseroka Meclisa Rêveber a Herêma Firatê Enwer Muslim, endamên rêveber tevli merasima vekirina sehayê bûn.
Di merasîmê de Enwer Muslim axivî û behsa geşpêdana avahîsazî ya ku li Kantona Kobanê ji 2015`an ve rû dide kir û vekirina sehayê pîroz kir.
Ji aliyê xwe ve endamê rêveber ê Yekîtiya Werzîşê Mihemed Ebdî diyar kir ku yekîtî amade ye zarokan li ser futbolê perwerde bike. Ebdî spasiyê kesên ku ked dane vekirina vê sehayê.
Ev sehaya şeşan e ku li Kantona Kobanê tê vekirin. Berî wê 5 sehayên şeşgoşe li deverên cuda yên bajêr hatin avakirin.
Yekîtiya Werzîşê ya Kantona Kobanê bi hevkariya Desteya Rêveberiya Herêmî û Şaredariyan ya herêma Firatê dest bi avakirina stadek din dike li taxa Kobanî ya nû kir.
Seha bi lidarxistina du maçan di nav bera 4 tîmên zarokan de hate vekirin. Maça yekemîn a keçan di navbera Tîma Kobanî û Tîma Jinên Desteya Perwerdeyê de dest pê kir. Maça din di navbera Tîma Ciwanên Kobanê û Ciwanên Girê Spî de bû.
Ji ANHA'yê hatiye girtin