Duhok
Encama Civîna Koma Hewldanê ya Jinên Kurd ya li Duhokê pêk anî hate aşkerakirin. Komê di 18-19'ê îlona 2010'an de li bajarê Duhokê bi nîqaş û guftûgoyên du rojan berdewam kirin, li ser kêşeyên neteweyî û pirsgrêken zayendî yên jinên kurd komcivîna xwe pêk anî. Encamên civînê hatin aşkerakirin.

Koma Hewldanê ya Jinên Kurd ku di encama Konferansa Jinên Kurd a li Amedê hatibû avakirin, encama civîna xwe ya di 18 û 19'ê îlona 2010'an de li Duhokê pêk anî aşkera kir. Di civînê de hate diyarkirin ku vê komê ji bo ku aştiyeke mayînde li Kurdistanê pêk bê, dê çi bikeve ser milê wan bi cih bînin Di daxuyaniyê de wiha hate gotin: "Xuya ye ku li cihanê di hemû şeran de zirara herî mezin jinan dîtiye. Jinên kurd jî wekî hemû jinên cîhanê, di avakirina aştîyeke domdar a li tevahîya Kurdistanê wê rola xwe ya dîrokî bilîze. Li ser vê esasê pirsgirêka kurd bi awayekî aştiyane û demokratik bê çareserkirin biryar hate dayîn, şerê ku li Kurdistanê didome bê rawestandin, di roja Aştîyê ya Cihanê de dê nameyek ji bo Neteweyên Yekbûyî, yek ji Kongreya Cihana Îslamî, yek ji Serokomarê Tirkîyeyê Birêz Abdullah Gul û yek jî ji Rêxistina KCK'ê re bê şandin."

Xebata esasî 'Konferansa Neteweyî'

Di encamnameyê de yek ji biryarên girîng a hatiye dayîn ew e ku ji bo xebata Konferansa Neteweyî ya Kurd pêk bê. Di daxuyaniyê de wiha hate gotin: "Ji bo ku Konferansa Neteweyî ya Kurd bi lezgînî bicive, ev grup dê kar û xebaten xwe yên serlêdana hemû partîyên siyasî û tevgerên cuda yên li Kurdistan û seranserê cîhanê bidomîne."

Xebatên jinan dê ji navendekê bên şopandin

Jinan biryar da ku ji bo çareserkirina pirsgirêkên neteweyî, tekoşîna azadîya zayendî û tunditiya li ser jinê kar û xebatên ku tên kirin hemû di navendekê de bên plankirin û şopandin, biryara avakirina "Navenda Jinan" daye. Hate diyarkirin ku dê di rojên pêş de ev navend bê avakirin û îlankirin.

Konferansa Duyemîn a Jinan li Başûr e

Her wiha komê di civîna xwe ya li Duhokê de piştgirî da biryara ku di despêka sala 2011'an de, Konferansa Duyemîn a Jinên Kurd li herêma Kurdistanê bê lidarxistin a li Amedê hatiye dayîn. Ji bo vê yekê hem li ser esasên xebatên konferansê, hem jî hemû xebatên der barê jinan de karbeşî hate kirin.

Endamên Koma Hewldanê ya Jinên Kurd:

Leyla ZANA, Xwediya Xeleta Sakharov
Narmîn OSMAN, Wezîra Karên Hawirdorê ya Parlementoya Iraqê
Ala TALABANÎ, Parlementera YNK'ê - Parlementoya Iraqê
Şîrîn AMEDÎ, Sefîra Aştîyê ya Neteweyên Yekbûyî ya Herêma Federe ya Kurdistana Iraqê
Dr. Kajal RAHMANÎ, Zanîngeha Harvardê
Fatma KURTULAN, Parlementera Wanê ya BDP
Amine ZIKRî, Parlementera PDK'ê ya Parlementoya Herêma Federe ya Kurdistanê.
Feleknas UCA, Parlementera berê ya Parlementoya Avrupayê
Nasik TOFİK, Parlementera Partiya Yek-Girtî Îslamî ya Parlementoya Herêma Federe ya Kurdistanê.
Sabri BAHMANY, Endama Rêveberiya Komala PSDK
Sayran ABDULLAH, Berpirsa Jinan a Gruba Goran- Parlementoya Herêma Federe ya Kurdistanê.
Yuksel AVŞAR, Alîkara Serokê Giştî yê KADEP'ê
Zozan EKMEN, Civaknas- Temsîlkara HAKPAR (Partîya Maf û Azadîyan )
Çaglar DEMÎREL, Şaredara Derikê
Hanife Hebu, Aktivîsta Mafên Jinan
Mulkiye BİRTANE, Nivîskar
Gul KIZILTAŞ, Aktivîsta Mafên Jinan
Ayşegul DOGAN, Rojnamevan
Reyhan YALÇINDAG, Parêzer- Parêzvana Mafên Mirovan
Necibe OMER, Aktivîsta Mafên Mirovan

Ji DÎHA'yê hatiye girtin