Diyarname
5'emîn Festîvala Fîlman a Mêrdînê îsal di navbera 17-23'yê vê mehê de li dar dikeve.

Festîvala Fîlman a Mêrdînê "SîneMardin" îsal cara 5'an li dar dikeve. Di festîvalê de belgefîlmê Kazim Oz ê bi kurdî "Demsala Dawî: Şewaxan", ê Miraz Bezar "Min Dît", fîlmê Ozcan Alper "Sonbahar", ê Mahmut Fazil Coşkun "Uzak İhtimal", ê Yilmaz Erdogan "Neşeli Hayat", ê Ezel Akay "Yedi Kocali Hurmuz" û yê Bahadir Karakaş "Usta" jî têde ji Tirkiye û welatên din gelek fîlm têne nîşandayîn.

Festîval bi taybetiya xwe li ser senaryoyê kûr dibe û îsal jî li ser analîza fîlman û senaryoyê atolye têne li dar xistin. Bi beşdariya hunermendên ciwan ên sînemayê, derhêner û xwendekar wê çalakî li dar bikeve û gel dikare beşdarî van bibe.

Her wiha îsal di festîvalê de beşa festîvala gerok heye. Sehneya ku li ser tirê çêkirine wê li navçeyên Mêrdînê fîlmên anîmasyonî yên Japonan nîşanî zarokan bide.
Di festîvalê de ji Almanya, Hollanda, Amerîka fîlmên derhênerên wekî Ken Loach, Costa Gavras, Francois Ozon, Birayên Coen bêne nîşandayîn

Yek ji taybetiyên Sînemardînê jî ew e ku digel ku li Mêrdînê festîval li dar dikeve, bi heman awayî li Helebê jî ev festîval li dar dikeve. Li Helebê di navbera 21-23'yê mehê de li dar dikeve û li Halep/Aleppo'yê wê çend fîlm bêne nîşandayîn.

Festîval 17'ê mehê li Medreseya Qasimiye bi merasimekê dest pê dike.
Fîlm di Salona SîneMardînê, Salona Mardin Halk Egitim, li Cine Our a Qoserê de têne nîşandayîn.

***