Diyarname

Di fînala Kûpaya Super de du tîmên mezin Real Madrid û Barselona hatin hemberî hev. Barselonayê bi 3-1 bi ser ket û kûpa bir mala xwe.

Maça fînalê ya Kûpaya Super li Satada Kral Fahd a li Riyada Erebistana Siûdî li dar ket.

Barselona 13 caran ev kûpa biribû mala xwe, Real Madridê 12 caran. Barselona ev 4 sal bûn bê kûpa bû, her sal dest vala bû, ji bo tîmeke mezin wekî Barselonayê ev xemgîniyeke mezin bûn. Loma jî dixwest vê qederê biguherîne. Li aliyê din Real Madrîdê dixwest kûpayê bigire û wekî hejmar wekhevî saz bike.

Teknîk dîrektorê Real Madridê Carlos Angelotti di 10 maçên dawî ku derketibû fînalê de di hemûyan de bi ser ketibû, dixwest vê xelekê bidomîne. Li aliyê din Xavi Hernandezê ciwan ku bûbû teknîk dîrektorê Barselonayê dixwest li vir yekemîn kûpaya xwe bi dest bixe.

Îstatîstîk bi vî rengî bûn. Heyecan di asta bilind de bû. Û maçê dest pê kir. Ji serî heta dawî Barselona serdest bû. Di deqîqeya 33’yan de perdeya golan vebû. Gaviyê ciwan, ê 18 salî tîma xwe bi 1-0 derxist pêş. Berî nîveka yekemîn bi dawî bibe di deqîqeya 45’an Gavi vê carê pasek mikemel da Lewandowiski û encam bû 2-0.

Di nîveka duyemîn de Barselona dîsa serdest bû. Di deqîqeya 69’an de vê carê Gavi pas da Pedri û got ev kûpa ya me ye. Piştî deqîqeya 80’yan Barselona ne ji bo hejmara golan bike çar, tenê ji bo maç bi dawî bibe gog li dora xwe, ber bi pêş û paş ve dibir û dianîn. Di deqîqeya 90+3 de Benzema ne ji bo tîma xwe be jî, ji bo xwe golek avêt û maç bi 3-1 bi dawî bû.

Bi vê, bû 14 caran Barselona Kûpaya Super a Spanyayê dibe mala xwe. Teknîk dîrektor Xavi bû yekemîn kûpaya xwe li Barselonayê wekî teknîk dîrektor bi dest dixe. Û lîstikvanê ciwan Gavî wekî lîstikvanê serketî yê maçê hat hilbijartin.

***
Nûçeya Eleqedar:

- Ji bo kûpayê El Clasicoyeke din: Barselona yan Real Madrid dê bi ser bikeve?