Diyarname
Bernameya 23’yemîn Festîvala Şanoyê ya Stenbolê hat eşkere kirin. Festîvala ku ji aliyê ÎKSV (Weqfa Çand û Hunerê ya Stenbolê) îsal di navbera 13’ê sermawezê û 1’ê berfanbarê de li dar dikeve. Ji derveyî Tirkiyeyê 12 kom Stenbolê. Ji Tirkiyeyê jî 16 kom hene ku ev 28 komên şano, dans û performansê dê 78 berhemên cur bi cur pêşkêş bikin. Di festîvalê de ciwanên ji Wanê tên jî dê bibin mêvan.
Mijara bingehîn a festîvalê îsal wekî “Jiyan berevajî ye” hatiye diyarkirin û di sehneyê de qalibên bi giştî hatine qebûlkirin dê bigirin bin lêpirsînê, bi teknîka derveyî qaliban dê berê xwe bibin mijarên “Dik li ku ye?” û “Lîstikvan kî ye?”.
Festîval îsal Xelatên Rûmetê dide lîstikvanê şanoyê û derhener Ferhan Şensoy, dîzanykarê sehneyê Metin Deniz û derhêner Emmanuel Demarcy-Mota.
Di çarçoveya lîstikên navneteweyî de lîstika “Notlêkirina ji bo dîrokê” dîrok û şanoyê digihîne hev. Lîstika ku ji pirtûka M. Riboulet û H.Boucheron a bi navê “Prendre Dates” girtine, li ser qeyranên mezin çawa bandorê li civakê dikin disekine. Lîstika ku Delphine Ciavaldini bi rê ve Marc Citti û Serge Renko dilîzin. Lîstik rojên 14 û 15’ê sermawezê li Navenda Çanda Fransiz dê bê lîstin.
Heft dansgerên Baleya Moskovayê bi lîstika “Her rê ber bi bakur ve diçe” tê Stenbolê. Şanoya mezin a Rusyayê Theatre of Nations bi lîstika “Sîrk”ê tê. Lîstika ku derhêner Grigory Aleksandrov ew kiribû fîlm vê carê wekî şano li Stenbolê ye.
“Being Faust-Enter Mephisto” listîkek alman e ku ji pirtûka Goethe “Faust” girtine dê pênc caran li STenbolê di çarçoveya festîvalê de bê pêşkêşkirin.
Yek ji wêjeya hemdem a Rus Puşkin e û metna wî “Yevgeni Onegin” ji aliyê Şanogeha Vaktangov di bin derhêneriya Rimas Tuminas de bû lîstik û ew dê du caran (21-22’yê sermawezê) bê pêşkêş kirin.
Ji Tirkiyeyê jî hin lîstikên ku derdikevin pêş hene. Di festîvalê de yê Genco Erkal 60’emîn sala wî ya şanoyê û yê Şanogeha Dostlor jî 50’emîn sala wê dê bê pîrozkirin. Di vê çarçoveyê de Genco Erkal bi sê lîstikên xwe dê li ser dikê be: “Yaşamaya Dair”, “Defterê Bîrarînê yê Dînekî” û “Merheba”
ÎKSV û Ajansa Pêşvebirina Rojhilatê Anadoluyê salek piştgirî dan hin ciwanên li Tuşbaya Wanê. Wan lîstika Ozen Yula ya bi navê “Dunyanin Ortasinda Bir Yer” (Cihek li navenda dinyayê) amade kir û ew lîstik niha di festîvalê de dê bê pêşkêş kirin. Her wiha bi hevkariya her du saziyan lîstikvanên ji Wanê hatine wekî mêvan dê derfetê bibînin ku hemû lîstikên li festîvalê temaşe bikin.
Lîstika nivîskara şanoyê û derhêner Şahika Tekan a bi navê “Lo” wekî lîstika destpêkê ya festîvalê ji Tirkiyeyê dê derkeve pêşberî temaşevanan.
Ji metnên Buchner “Baraka û Qesr” bi pêşkêşiya derhêner Yucel Ertan wekî manîfestoyek polîtîk tê. Lîstika ku bi muzîka yekser û li ser sînorên absurdiyê hatiye amadekirin lîstikvanên wekî Aydin Sigali, Alican Yilmaz, Melih Duzenli, Selin Sevdar, Nurşin Durmaz, Doruk Akçiçek, Gokçe Burcu Zumrut, Nazmi Karaman, Vakur Pehlivan, Ege Gritcu dilîstin. Lîstik 15’ê sermawezê li Tiyatro Pera tê lîstin.
Bilêtên lîstikên şanoyê 14’ê vê mehê dê bêne firotin, yên bixwazin dikarin ji fîşeya İKSV yan jî ji ser Bîletîksê re bilêtan bikirin. Ji bo xwendekaran bilêt bi buhayê 15 TL’yî ne lê kontenjan bi sînor e.
Lîstika Rus Puşkin “Yevgeni Onegin” ji aliyê Şanogeha Vaktangov tê pêşkêş kirin.
***
** ***
Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.