Diyarname

Lijneya Dîsîplînê ya Federasyona Fûtbolê ya Tirkiyeyê (TFF) îro der barê Amed Sporê de du biryar dan: Hem ceza li Serokê Duyemîn, hem li klûbê birî.

CEZAYA JI BO KLÛBÊ

Dafiya hefteyê (24’ê mehê) Amed Sporê Isparta Spor kir mêvan. Coşek mezin di stadê de hebû û nêzî 40 hezar kesî li stadê bû. Lijneya Dîsîplînê bi îdîaya “Li ser derenceyan jî temaşevan rûniştibûn” ku di heman serdemê de 2 caran ev yek çêbûye 16 hezar cezayê pereyan li klûbê birî.

Li aliyê din vê carê bi îdîaya “temaşevan bûne sedema bûyeran” jî 16 hezar ceza li klûbê birî. Hêjayî gotiye di maçê de tu bûyer derneketibûn.

CEZAYA JI BO SEROKÊ DUYEMÎN

Roja 2’yê avrêlê li Amedê maça tîma fûtbolê ya jinan a Amed Spor û Fenerbahçeyê hebû.Di deqîqeyên dawî de bûyer derketibûn û lijneyê ceza li her du tîman birî bûn. Niha jî ji ber wê maçê ceza li Serokê Duyem ê Amed Sporê Cahit Akin birî ku sedem “Ne li gor sportmenî tevgeriya ye.”

Akin piştî maçê axivî bû û qala nijadperestiyê kiribû. Lijneyê 10 roj cezayê mehrûmbûna ji mafê xwe birî.