Diyarname
Şêx Seîd û 46 hevalên wî ku 86 sal berê li Deriyê Çiyê hatibûn îdamkirin îro li heman derê ji aliyê partiyên siyasî û saziyên sivîl ên kurd ve hatin bibîranîn.

Di bibîranîna li Amedê de  KCD, BDP, HAK-PAR, KADEP, NUBIHAR, Koma Diyalogê ya Dîcle Firatê, TEV-Kurd, TDŞK, MAZLUM-DER, TİHV, Weqfa Şêh Ebdurrehmanê Aqtepî, DİAY-DER û MEYA-DER jî têde bi hezaran kes beşdar bûn. Mebûsê BDP'ê Altan Tan jî beşdarî bîranînê bû û gotina Şêx Seîd a wekî "Îro ez diçim sêdarê, ez ne poşman im, ji ber ku ez dibim qurbanê miletê xwe. Tekane daxwaza min heye; bila neviyên me li hemberî neyarê me, me nedin şermê" û got: "Me di hemû rojên dîrokê de mil bi mel têkoşîn da. Li heman goristana em li kêleka hev hatin veşartin. Lê koma îtîhatçî jî, koma Kemalîst jî hat û xwîn bi ser vê biratiyê jî, vê erdnîgariyê de jî rijand. Sedemeke kuştina Şêx Seîd efendî û hevalên wî heye. Hê jî hemû zabitên dadgehê nehatine eşkerekirin. Di belgeyên wan de, di îfadeyên wan de ev doz gelek eşkere ye."

Tan got ku li Ewropaşê wekî "Şêx Seîd û hevalên wî paşverûne" nîşan dan, li Enqere û Stenbolê jî wekî "Kurd cudaxwaz in" nîşan dan û du caran raya giştî xapandin.

Mebûsê BDP'ê Tan di dawiyê de wisa got: "Em ji ku hatine, îro kîjan lîstik têne lîstin divê em bizanibin. Ev vîn bi we re heye. Ev milet her ku van tiştan ji bîr nake, xwedî li maf, hiqûq, nasname û zimanê xwe derdikeve, ew dîn dibin. Bila bibin."

Foto: DÎHA