AMED
Serokê Rêxistina BDP'ê yê Amedê Nijad Yaruk, diyar kir ku biryara boykotkirina referanduma makeqanûnê çavê hin derdoran ditirsîne û ji ber vê jî ev derdor hewl didin ku di nav de tevgera me têk bibin.
Şaredarê Bajarê Mezin ê Amedê Osman Baydemîr jî, berdek nîşanê gotinên giran yên li hemberî Selahattîn Demîrtaş hatine bikaranîn da û destnîşan kir ku ew li benda lêborînxwestinê ne. Baydemîr ragihand ku boykot eniya alternatîf e.

Rêxistina BDP'ê ya Amedê têkildarî rexneyên li dijî biryara boykotkirina referandûmê û gotinên kirêt yên li dijî Hevserokê BDP'ê Selahattîn Demîrtaş, hatine bikaranîn li avahiya partiyê daxuyaniyek da çapemeniyê. Serokê Rêxistina BDP'ê Nijad Yaruk, Şaredarê Bajarê Mezin ê Amedê Osman Baydemîr û rêveberên BDP'ê tevli daxuyaniyê bûn. Li ser navê rêxistinê Nijad Yaruk daxwuyanî xwend û diyar kir ku biryara boykotê çavê hin derdoran gelek tirsandiye. Yaruk wiha axivî: " Em ji bo referandumê dibêjin 'Boykot'. Ji ber biryara me hikûmet û hin derdor dixwazin me manîpule bikin. Çapemenî mitîngên me yên bi girseyî bi zanebûn nabîne. Bi daxuyaniyên odeyan tê xwestin ku biryara boykotê têkbibin. Em li pişt biryara xwe ne. Em dê heta ku daxwazên me bicih bên jî vê biryara xwe biparêzin. Van daxuyaniyên ku bi rewşa tehdit kirinê tê ditin em şermezar dikin û hewaleyê wicdanê gel dikin."

Piştî axaftina Yaruk, Şaredarê Bajarê Mezin ê Amedê Osman Baydemîr dora axaftinê girt û bertek nişanê rexneyên li dijî biraya boyoktê da. Baydemîr, diyar kir ku di bin gelek zehmetiyan de hetan niha têkoşîna azadiyê dane û wiha axivî:" Têkoşina azadiyê pir zehmet e lê bi rûmet e. BDP bi salan e vê têkoşinê didomine. Hevserokê me Selahattin Demirtaş jî vê kewneşopiyê bi serfirazî dimeşine." Baydemîr diyar kir ku tu pirsgirêka wan bi STK'ê yan re tuneye. û wiha got: " Pirsgirêka me azadiye, edelet û maf e. Ji ber vê yekê jî muhatap ne STK ne, hikumet e. STK jî azadin ew çewa dixwazin bila wisa dengên xwe bikarbînin. Bi sedan STK hene bila ji vê sedî 10 jî cûda bifikire.

Baydemir, xwest ku kesên gotina "Kesên bi daxwazê were (atama) dê bi derbeyê biçe" bikaranîne lêborîn bixwaze û ev gotin bi zimanekî tund şermezar kir. Baydemir axaftina xwe wiha domand: "Em deng naxwazin em dixwazin ku ji bo vê bê edebiyê lêborin bê xwestin, ê ku vê hevokê gotine jî dikarin dengê xwe bi her şiklî bikar jî binin." Baydemir da zanin ku kurd wenda nakin û wiha got: "Bi xwedê kurd wenda nakin. Ez bi xwe bi gelê kurd bawer im. Gelê kurd hişyar bûye êdi naye xapandin. Dê xala dawiyê gel di 12 îlonê de bidene."