Diyarname
Dadgeha Cezayê Giran dest ji pêsîra Azadiya Welat bernade. Dadgehê careke din
Azadiya Welat girt. Dadgehê careke din mehek cezaya girtinê li rojnameyê birî.

Tekane rojnameya rojane ya kurdan a li bakur û Tirkiyeyê rojnameya Azadiya Welat 8'emîn car hat girtin.
14'emîn Dadgeha Cezayê Giran a Stenbolê li ser hejmara 21'ê gelawêjê ya Azadiya Welat biryara mehek girtina rojnameyê da. Dadgehê îdîa kir ku rojnameyê propagandaya "PKK /Konga Gel kiriye" cezayê girtina rojnameyê da.

Rojnameya Azadiya Welat di hejmara xwe ya 21'ê mehê (ku ji ber vê hejmarê ceza lê hate birîn) gotinên Serokê PKK'ê Abdullah Ocalan derxistibû manşetê. Rojnameyê di sermanşeta xwe de jî sernava "Çima Boykot?" weşandibû.