Amed
Dadgehê, di doza Şaredarê Yenîşehîrê yê berê Firat Anlî ya ji ber ku di cejnê de bi kurdî pankarta "Cejna We Pîroz Be" hatibû vekirin de, li aliyekî biryarekî emsal da, li aliyê din jî israra nasnekirina kurdî domand. Dozger di danişînê de diyar kir ku tîpên kurdî jî wekî tîpên tirkî latînî ne, loma ev yek nabe sûç û dadgehê jî li ser vê yekê der barê Anli de biryara beraetê da.
Der barê Şaredarê Yenîşehîrê yê berê Firat Anli de ji ber pankartên kurdî ya "Cejna We Pîroz Be" ku di cejnê de hatibûn daliqandin, bi hinceta "Muxalefeta kanuna tîpên tirkî û kanûna şewqe" kirine, doz hatibû vekirin. Di danîşîna biryarê ya dozê de dadgehê ji bo înkarkirina zimanê kurdî formulekî nû peyda kir. Dadgehê zimanê kurdî dîsa wekî zimenekî nedît, bi tenê ji ber tîpên kurdî jî wekî tirkî latînî ye, der barê Anli de birayar bereatê da.
Danişîna doza Anli bi tevlibûna Anli û parêzerên wî, Serkan Akbaş, Suleyman Kaya, Cîhan Aydîn, Meral Atasoy, Mesut Beştaş li 7'emîn Dadgeha Cezaya Giran a Amedê, pêk hat. Anli, di dadgehê de parastin kir û diyar kir ku helwesta li hemberî kurdî cudakariye û nayê qebûlkirin. Piştî parastina Anli, dozger mutaala da û xwest ji ber ku tîpên kurdî bi latînîne sûç pêknehatiye û Anli bê beraetkirin. Dadgehêjî bi heman hincetê Anli beraet kir.
Parêzerên Anli jî biryar nirxandin û gotin ku ev doz jî nîşan dike ku li Tirkiyeyê hêj li ser kurdî qedexe û pêkûtî hene.