Amed
Li ser êrîşên li navçeyên Înegol û Dortyolê hevserokên BDP'ê îro li Amedê civîneke çapemeniyê li dar xistin, bûyer nirxandin û gotin: Ewê sibê (29'ê mehê) bi konvoyeke aştiyê herin Dortyolê.

Hevserokên BDP'ê Selahattîn Demîrtaş û Gulten Kişanak li avahiya rêxistina BDP'ê ya Amedê civîn li dar xistin.

Demîrtaş, got ku bûyerên li Dortyolê derketine mirov nikare bispêre komekê û diyar kir ku helwesta hikûmetê van êrîşan gurtir dike.

Daxuyaniyên Serokwezîr Tayîp Erdogan û yên rayedarên hikûmetê didin kurdan û partiya wan dikin hedef û êrîş dinava plansaziyek mezin de tên kirin." Demîrtaş, bi bîr xist ku li ber çavên polîsan avahiya partiya wan, mal û kargehên welatiyên kurdan hatine şewitandin û rayedar li hemberî vê yekê bêdeng mane.

Demîrtaş, da zanîn ku Hikûmeta AKP'ê li hemberî PKK'ê gelê kurd rehîn digire, şantajê dike û wiha axivî: "Hikumet di nava lîstikeka xetere de ye. Wezîrê Karên Hundir Beşîr Atalay li gel ev 3 roj in li Edeneyê ye, pêdiviyê bi çûna navçeya Dortyolê nabîne. Hikumet bi vî rengî gefan li gelê kurd dike. Ev bûyer lîstikek ji yên li Mereş û Çorumê kûrtir e. Ev polîtîkaya hikumetê ye. Yên gelê kurd û BDP'ê ji vê yekê berpirsiyar digre, em wan bi nefretê şermezar dikin. Lazim e hikumet di zûtirîn demê de derkeve û daxuyaniyekê bide û wiha dom kir: "Li hemberî bûyerên ev 4 roj in didomin Serokwezîr tu daxuyanî nedaye. Ger Gazze bûna wê niha li pêşberî çapameniyê ba. Lê dema mijar dibe kurd, xwe bêdeng dike. Ev 4 rojin dewlet nikare komek ji 400-500 kesan bide sekinandin. Lê dizane bi bi bombeyên gazê û avê mudexaleyî çalakiya li Silopiyê bike. Ev êrîş provokasyona dewletê û AKP'ê ye."

Demîrtaş, helwesta çapameniyê ya li hemberî bûyeran jî nirxand û da zanîn ku zimanê di nûçeyan de tê bi kar anîn, zimanekî tarhîk dike ye

'Sibê saet di 06:00'an de dê biçin Dortyolê'

Demîrtaş, bang li rêxistinên demokratîk ên Tirkiyeyê û rêxistinên saziyên sivîl kir û wiha got: "Em dê li hemberî vê qetlîamê bêdeng nemînin. Sibê saet di 06.00'an de em dê biçin Dortyolê. Em bangî hemû kesan dikin. Werin em bi hev re biçin. Em tevî konvoyê biçin û daxwazên aştiyê bibin wir."

Demîrtaş, têkildarî bêdengiya Serokwezîr Erdogan jî ev tişt gotin: "Bila Serokwezîr rapora tiştên li wir tên jiyîn bide. Berpirsiyarê pevçûnên li wir tên jiyîn û yên mirinan ne kurd û BDP'ê ne. Eger gelê Dortyolê dixwaze nerazîbûnan nîqaşî mirinan bide berpirsiyarê vê yekê Hikumeta AKP'ê ye, bila nerazîbûnan nîşanî wan bidin. Pêdiviya vî welatî bi lez bi aştiyê heye".