Diyarname

Tûrnûvaya Kûpaya Cîhanî ya Pîrekan ke emsar rey 8'inan hamî viraştişî bi serkewtinê tîmê neteweyî yê Dewletê Jobînî yê Amerîka (DJA) temam bî. DJA bî 4 rey ene kûpa bena kêxo.

Maçey fînalî stadê Park Olympique ya Lyonê Fransa de hamî kaykerdişî. Amerîka û Hollanda hemey bî fînal. Hezkerdoxanê fûtbolî ro maçêke weşe temaşe kerd. Di nîmew joyîn ê maçe de Amerîka serdeste bî la wirdî tîman jî nêeşkay gole berzê û bi 0-0 qediya. Di nîmey diyin de Amerîka êrîşê xo motî ra û di deqey 61'inan de penaltî girote. Kaptaney tîmî  Megan Rapieo penaltî kerde gole û maçe bî 1-0. Di deqey 69'inan de jî Rose Lavelle gole eyşte û maçe bi 2-0'î qetiya. Bi enî encamî Amerîka kûpa berde kê xo.

Îstatîstîkî

Di fûtbolê mêrdan de Amerîka zehf raver nêşiya la di ya pîrekan de zehf raver şiya. Di îstatîstîkanê maçe de jî Amerîka vernî de bî. Kaykerdoxanê Amerîka 17 şûtî eyştî, Hollanda tenî 5 ke yê Amerîka 10 bi îsabet bî, yê Hollanda tenî jo. Amerîka bi sera 54 goge kay kerde, sera 68 pasê înan bi îsabet bî.

Xelatê maçe

Di tûrnûva de keykerdoxê serkewtey jî hamey xelatkerdişî. Kaykerdoxanê Amerîka çende xelatî girotî. Yînan ra Aleks Morgan bi kay xo "Solê Zîvînî" ke Morgan 6 golî eşt bî û Rapineo ke ay zî 6 golî eyştbî Solê Zêrînî girot. Rapineo bi kay xo ya di heme tûrnûvay kûpa de serketwtî bî Goga Zêrîne girote. Qelaparêzey Hollanda Merel Van Dongen jî xelata Lepika Zêrîn girot.

Hollanda rey joyînan fînal de bî
Hollanda nêbî şampiyon la her kesî yînan rê da ro çepikan, semedo ke yê rey joyînan veciyay bî fînal û eno qeybî yînan tecrubeyke baş bî. Pîrekê tîmê netewî a Hollanda di serey 2017'inan de bîbî Şampiyonê UEFA.

Dîrokey Kûpay Dinya

Kûpay Cîhanî ya Pîrekan ke FIFA organîze kena, rey joyînan di serey 1991 de hame kaykerdişî. Çar seran reyke yena viraştişî û heta enka Amerîka 3 rey, Almanya 2 rey Norwec û Japonya jî her joy reyke ene kûpa berda kê xo. Di tûrnûvaya serey 2015'sinan de jî Amerîka kûpa girote bî ke bî di rey pêsero ene kûpa gêna. Almanya jî di serey 2003 û 2007 de di rey pêsero kûpa girote bî.
Kûpaya Cîhanî ya Pîrekan a 9'inan go serey 2024 de bêro viraştişî.