Edene

Hasan Akbal yek ji hezkiriyên Eyşe Şanê ye. Ji ber vê yekê ew rabû li gora Eyşe Şane geriya, gora wê çêkir û her tişt hat serê wî.

Hasan Akbal ku piştî gora hunermend Eyşe Şan li Îzmîrê da çêkirin, ji ber doza ku bi hincetek din derheqê wî de hatibû vekirin derketina wî ya derveyî welat hate qedexekirin û rastî 15 meh cezayê girtinê hat.

Hasan Akbal 30 sal berê ji navçeya Kulu ya Konyayê sû Swîsreyê û bû hemwelatiyê wê derê. Di nav hunermendên kurd de wî ji Eyşe Şanê hez dikir. Ji ber vê hezkirinê ew rabû hat Îzmîrê, li nav goristanê geriya, cihê ku Eyşe Şan lê hatibû veşartin dît û li wê derê gora wê çêkir. Û her tişt piştî vê yekê çêbû: Dewletê bi îdîaaya  "Propagandaya rêxistinê" û "endamtiya rêxistinê" doz lê vekir, biryar girt ku nikare derkeve derveyî Tirkiyeyê. Nivîsên ku di înternetê de li ser vê yekê nivîsandibûn jî bûn li dozê zêde kirin. Di encamê de  8'emîn Dadgeha Cezaya Giran a Edeneyê ew darizand û 15 meh cezaya hepsê li wî birî.
Di danişînê dozê de Konsolosa Stenbolê ya Swîsreyê Elîzabet Jansen û parêzerê Akbal Şiyar Rişvanoglu jî amade bûn. Rişvanoglu ku paraznameyek ji 4 rûpelan pêk tê da, diyar kir ku muwekîlê wî tu sûc nekiriye, xwest bê beratkirin, lê fêde neda û ceza li wî hate birîn.

Fotoyê Hasan Akbal ji DÎHA'yê hatiye girtin