Diyarname
TÎHV îsal 5'emîn car Rojên Belgefîlman ên Mafên Mirovan li dar dixe. Di navbera 11-14'ê mehê de belgefîlmên li ser mafên mirovên dê bêne nîşandayîn. Belgefîlm li Navenda Çandê ya Fransiz a li Îzmîrê têne nîşandayîn.
10'ê mehê Roja Mafên Mirovan e ku ev roj di nav Hefteya Mafên Mirovan de ye. Di vê çarçoveyê de hin çalakî têne li darxistin ku yek ji wan jî nîşandayîna belgefîlman e. TÎHV îsal sala 5'an e ku her sal Rojên Belgefîlmên Mafên Mirovan li dar dixe. Bi vê yekê dixwaze balê bikişîne ser rewşa mafên mirovan.
Di nav bernameya îsla de ji belgefîlmên li ser pirsgirêka kurd heta meseleya bê mal û waran, heta meseleya karker û penaberan gelek belgefîlm hene.
Ligel nîşandayîna belgefîlman dê derhênerên wekî Hakan Alp, Eylem Şen, Cenk Ortulu û Xebatkarên Atolyeya Sînemayê ya Însiyatîfa Jinên Serbixwe jî beşdarî gotûbêjan bibin.
Di festîvalê de ev belgefîlm têne nîşandayîn:
Cennetin Duşuşu, Yeryuzu Aşkin Yuzu Oluncaya Dek, Gezi Tanikligiı, Leviathan'la Yaşamak, Gezi'nin Ritmi, Arkadaşimi Merak Ediyorum, The Act Of Killing, Two At The Border, Kulkedisi Degiliz, Meger, Dilegim Bariş Olsun, O İklimde Kalirdi Acilar, Muxtar, The Missing Picture, Kamilet, Pussy Riot: A Punk Prayer, Nefret, Au Bord Du Monde ,Pikolo: Daha İyi Bir Gelecege Buyumek, Soma'da Sekiz Saat, He Bû Tune Bû, Agri Ve Dag, Asfur.
Her wiha roja 10'ê mehê saet 18.30 de dê paneleke bi navê "Koç û penaberî" ku TİHV û ÎHD bi hev re organîze dikin li dar bikeve. Di panelê de Seda Altug (Zanîngeha Bogazîçî), Mehmet Nuri Gultekin (Zanîngeha Entabê), Kemal Vural Tarlan (Şêwirmendê Navenda Mafên Romenan a Ewropa) û Volkan Gorendag (Kordînatorê Mafên Penaberan a Şaxa Rêxistina Efûyê ya Tirkiyeyê) beşdar bibin.