Diyarname
Kovara Ziryabê ragihand ku 1'emîn Pêşbaziya Muzîkê li dar dixe. Yên bixwazin divê di navbera 25'ê sermaweza 2018'an û 5'ê reşemiya 2019'an de berhemê xwe bigihînin ber destê amadekaran.
Kovara Ziryabê wekî kovareke muzîkê hê vê payîzê bi hejmara xwe ya yekemîn gav avêt nav kovargeriya kurdî. Kovarê niha jî biryar daye ku pêşbaziya muzîkê bide dest pê kirin. Amadekarên kovarê ragihandine ku dê pêşbaziya muzîkê bidin dest pê kirin û di encamê de ji bo sê kesên serketî dê sîngilek amade bikin.
Di nav lijneya pêşbaziyê de Harûn Elkî, Ozan Irmak, Serhat Temel, Erdem Altinses û Gokce Selîm hene.
Şertên beşdariya pêşbaziyê bi vî rengî ne:
- Divê zimanê stranan kurdî (kurmancî, dimilî û soranî) be.
- Divê gotin û muzîka stranan aîdî kesên beşdar be.
- Divê kesên beşdarî pêşbirkê bibin heta niha album dernexistibin.
- Yên dixwazin beşdarî pêşbirkê bibin, divê ji 25’ê Mijdara (sermawez) 2018’an heta 5'ê sibata (reşemî) 2019’an straneke xwe bişînin ber destê lijneya pêşbirkê.
- Ji bo 3 kesên ku di pêşbirkê de bi ser bikevin, ji aliyê lijneya pêşbirkê ve singelek were çêkirin.
Kesên bixwazin dikarin ji ser e-maila kovaraziryab@gmail.com re xwe bigihînin amadekarên pêşbaziyê.