Diyarname
Ji bo Euro 2024'an du welat berendam in: Almanya dixwaze Euro 2024 li welatê wan, Tirkiye jî dixwaze li welatê wan li dar bikeve. UEFA'yê heta niha ji aliyê binesazî, seha û tiştên din de li meseleyê dinêriya û li gor wê biryar dida lê vê carê wisa got: "TFF (Federasyona Fûtbolê ya Tirkiyeyê) di warê mafên mirovan de tu proje pêşkêş nekiriye ku ev yek kêmasiyek e ji bo wan. Negirtina bajê ji meseleyê jî ji bo Tirkiyeyê avantaj e."

Ji bo mazûvan bê eşkerekirin hefteyek maye. Berî vê raporên her du welatan jî ku di meha avrêlê de pêşkêş kiribûn hatin nirxandin. Di 27'ê mehê de dengdan dê çêbibe, ev rapor di vê dengdanê de ne bandorker e lê dîsa jî xwedî xalên balkêş e. Yeke car e welatekî ji aliyê krîterên hurmeta ji bo mafên mirovan de jî tê nirxandin ku ev yek li ser Tirkiyeyê hatiye çêkirin. Rapor dibêje ku di vî warî de Almanyayê rapor pêşkêş kiriye, li ser meseleyê sekiniye û diyar kiriye ku ew dikarin pirsgirêkên mafên mirovan çareser bikin lê Tirkiyeyê di vî warî de tu rapor pêşkêş nekiriye.