Diyarname
Xelatên 26'emîn Pêşbaziya Mûsa Anter û Şehîdên Çapemeniya Azad bi merasimek hatin belavkirin. Merasim li TMMOB'a li Karakoya Beyogluya Stenbolê lidar ket û  Hevseroka HDP'ê Pervin Buldan, mebûsa HDP'ê Dîlan Dîrayet Taşdemîr, mebûsê CHP'ê Sezgin Tanrikulu û gelek kesên din lê amade bûn.
Axaftina destpêka merasimê ji aliyê Xwediyê Rojnameya Yenî Yaşam Ridvan Turan ve hat kirin ku îsal xelat ji aliyê rojameya Yenî Yaşam ve dihat dayîn. Turan qala zordariyên li ser çapemeniya azad kir û got: "Kevneşopiya Ozgur Gundemê û çapemeniya azad nîşanî me da ku barê rastiyan çiqas giran e. Ger rojek li ser azadiyê dîrokek bê nivîsîn dê ev kevneşopî li herî serî be." Turan, Mûsa Anter jî di nav de şehîdên çapemeniya azad bibîr anî û sipasiya beşdaran kir.
Paşê rojnameger Huseyîn Aykol ku ev 29 sal in di nav çapemeniya azad de kar dike jî derket ser dikê û axivî. Aykol got ku ji bo min serbilindiye ku ez dûajoyê pêşengekî wekî Mûsa Anter im. Aykol jî qala zordariyên li ser çapemeniya azad kir û got: "Ew ji me re dibêjin hûn nikarin rojnameyê derxin, em jî dibêjin emê derxin. Piştî rojnameyên hatin girtin, hatin qedexekirin niha em 51'emîn rojnameya xwe em derdixin."

Di şevê de ev xelat hatin belavkirin:

BEŞA TIRKÎ:
Di beşa nûçeyên tirkî de xelat dan Bekir Avci (ji rojnameya Karinca),
Xelata Jûriyê ya Taybet a Nûçeyên Tirkî ji Arti Gerçekê dan Rifat Dogan û dan nûçegîhanê Bîrgunê Ugur Şahîn.

BEŞA KURDÎ:
Di beşa nûçeyên kurdî de nûçegîhanê E-rojnameyê Zeynel Bulut bi nûçeya “Li Ser şopa dîrokê: Gundê Melekê Tawîs Tawîsî”  bi Xelata Jûrîyê ya Taybet hat xelatkirin.

BEŞA WÊNE:
Di beşa wêneyan de xelat dan  nûçegîhanê Fersude Hayri Tunç û nûçegîhanê rojnameya Cumhuriyetê Vedat Arik.
Xelata Jûriyê ya Taybet a Wêneyan jî bi wêneyê êrîşa bombeyî ku 21 welatiyên sivîl li Efrînê jiyana xwe ji dest dan, dan nûçegîhanê Ajansa Mezopotamya (MA) Nazim Daştan

XELATA KARÎKATURAN:
Di beşa karîkatur xelat dar Ozgur Evran û Beşir Geroglu.

XELATA NÛÇEYAN A JINÊ:
Di beşa nûçeyên jinê ya Gurbeteli Ersoz de xeyat dan nûçegîhana Ajansa  Mezopotamya (MA) Arjîn Dîlek Oncel.

XELATA RÛMETÊ:
Xelata Rûmetê ya Jûriyê dan Dayikên Şemiyê ku endamên Dayikên Şemiyê ligel Hevseroka HDP'ê Pervin Buldan derketin ser dikê, axivîn û xelata xwe girtin.