Zekî Ozmen

Stranbêj Zara ango bi navê xwe yê kurdî Zerê piştî roja şemiyê li Moskawayê du stranên kurdî gotin, bi deng û koreografiya xwe kete rojeva medya civakî ya kurdan de.

Her çiqas piraniya muzîkhezên kurdî bi her du stranan wê yên nû nav û dengê wê bihîstibin jî, ew li Rusyayê bi salan e wekî stêrka hunerê tê naskirin. Heta niha di televîzyonan de gelek bername çêkirine, konserên taybet dane û bi hunermendên cîhanê yên navdar ên wekî Goran Bregovic re derketiya ser dikan û gelek caran bi Andrea Bocelli re dûet kiriye. Yek ji van konseran di salên derbasbûyî de li koleseum ango arena ya dîroka ya Romayê bû.

Zara navê wê yê hunerî ye. Navê wê yê fermî  bi temamî Safîra Paşê Mihoyan e. Malbata wê jî bi navê Zerê bangê wê dike. Di sala 1983’yan de li Lenîngradê hatiye dinê. Bavê wê Paşa Bînbaşiyê Miho akademîsyen e û kurdê êzdî yê Ermenistanê ye.

Zara, Akademiya Hunera Şonoyê li Sankt Petersburgê qedandiye. Di gelek  rêzefîlmên navdar ên rusî ên wekî “Rêyên fanosên şikestî” û fîlmên wekî “Puşkîn. Rikeberiya Dawiyê” de lîstiye. Di televîzyonan de  ne tenê konser dane, her wiha wekî jûrî û moderatoriya bernamên hunerî jî kiriye. Bernameya “Stêrka nû” ku ya pêşbaziya muzîkê ye, yek ji wan e ku ew li wir wekî jûrî beşdar bû. Her sal tevlî Festîvala Navnetewî ya Hunerê ya Rusyaya Spî dibe. Ji ber egera ku dostaniya Rusya û Rusyaya Spî xurt dike, xelata Yekîtiya Rusya û Rusyaya Spî ya 2014’ê wergirtiye. Di sala 2015´an de li bajarê Sûriye Laskiyeyê û di sala 2016´an de li baregeh û firokxaneya leşkerî ya Rusan li Himaymînê konser daye leşkerên rus.

Ji ber xebatên wê û navdariya wê di vê temenê ciwan de ew kiriye ku li Rusyayê navdar bibe û bikeve nava hunermendên mezin, hunermendên ku dewlet ji berk eda wan xelatê dide wan. Ji ber vê yekê par Xelata Rûmetê ya Rusyayê dan wê ku Serokdewletê Rusyayê Viladimir Putin bi xwe ew xelat bi ber stûka wê ve kir û ew rûmetdar kir.
Her wiha UNESCO´yê jî ew di sala 2016´an de ji ber “Xebata wê ya pêşdebirina hevkariya gelan” li beşa navenda Neteweyên Yekbûyî li Parîsê xelat da wê.

Ew rêvebera fonda alîkariyê ya “Gavek li Dij“ e jî ku di warê alîkariya zarok û mezinên tenduristiya wan di rewşa zemet de ye dike. Zara ew qas tê hezkirin ku di sala 2016´an de ji bo yadkirina 20 saliya hunera wê li avahiya Kreml de konsereke solo da. Heta niha bi dehan xelatên netewî û navnetewî standine.
Roja şemiyê li Moskowayê festîvala bi navê “Stranên Dilê Me“ ku festîvaleke çand û muzîkên navnetewî bi rusan dide naskirin û mesrefeke mezin lê tê kirin hebû. Zara jî yek ji amadekarên wê ye, heta niha gelek caran beşdar bûye. Wê vê carê ewilî strana “Edelerzî“ a Goran Brogevic got û dû re surprîzeke mezin kir; du stranên bi kurmancî gotin. Koreografî ya folklorvanên govendê ku cil û bergên wan leşkerên mîrekên kurdan û anîmasyona Teyrê Tawûs li ser ekrana li pişt sehneyê êzîdîbûn sembolîze dikirin bal kişand ser xwe. Her wiha dengê wê jî guhdarên kurd mest kirin. Cara yekem bû gelek kurd bi hebûna hunermendeke esilkurd a li Rusyayê ew qas navdar dibihîstin.

Bavê wê Paşa Bînbaşiyê Miho jî li wê festîvalê di nava guhdaran de bû û derbarê stranên keça xwe yên bi kurmancî ji bo televîzyoneke kurdî K24 bi van gotinan wê hestên xwe bianiya zimên: “Zehf şa bûm. Zû de Zerê stranên bi kurdî dibêje. Zehf razî me. Îro Zerê ji bo hemû miletî straneke xweş got.“

Zara heta niha gelek klîb kişandine, sîngle derxistine, herî dawî îsal bi navê “Negordaya” singilek derxist. Wekî gotina dawî vê mehê jî li gelek cihan konserên wê hene. Niha meraq ew e ku dê albumek bi kurdî jî derxe yan na…

*******

REKLAM

  
Ji bo vexwendnameyan malpera ku hûn serî lê bidin: http://www.davetiyeonline.net/
Bi sedan cureyên vexwendnameyan li benda we ne. 
Bi her zimanî em dikarin ji bo we vexwendnameyan amade bikin.
Ji bo têkilî navnîşan û telefon:
Yıldıztabya Alibeyköy Cad.No: 156, Alibeyköy Eyüp-İstanbul, Telefon:  0212 -6266455