Diyarname

Li Meksîkayê ji bo serokdewletî hilbijartin li dar ket: Di hilbijartinê de berendamê çepgir Lopez Obrador bi ser ket. Obrador ku soza têkoşîna li hemberî karên qirêj û tilyakê dabû bi serketinek mezin ji hilbijartinê derket. Sedî 62 beşdarî di hilbijartinê de çêbû.

Serjimariya Meksîkayê dor 130 mîlyon û hejmara hilbijêran jî or 89 mîlyon e.

Hê encamên fermî nehatiye eşkerekirin lê hati gotin ku Obrador 30 pûan li pêş berendamê dû wî ye. Ji sala 1980'ê ve heta niha li Meksîkayê kes bi ferqek wisa mezin bi ser neketibû. 
Adres Maniel Lopez Obrador ê 64 salî berî niha du carên din jî bûbû berendam lê bi ser neketibû. Ew berê Şaredarê Meksîko City bû.

Berî hilbijartinê heta roja yekşemê ku hilbijartin çêbû gelek berendam hatin kuştin. Tê gotin ku di dema kampanyayê de li dor 130 berendam û endamên partiyan hatin kuştin.

Li Meksîkayê partiyên PAN (Partiya Çalakiya Neteweperestan) û PRI (Partiya Şoreşa Sazibûnê) hebûn û Obradorê niha serketî ev her du partî bi "parteyên desthilatdariya heman mafyayê" bi nav dikir.