SILÊMANÎ

2'yemîn Pêşangeha Pirtûkan a Navnetewî ya Silêmanî dest pê kir. Di pêşangehê de zêdetirî 3 mîlyon pirtûk hene û pêşangeh dê  10 rojan bidome.

Pêşangeh ji aliyê kompanyaya Atlas Esil ve hatiye rêxistinkirin, bi merasîma ku berpirsên hikumetê jî amadebûn, danê sibehê hate vekirin.

Rêveberê peywendiyên kompanya Atlas, Esil Şewqî Umer di dema destpêkirina pêşangehê de axivî û got; “227 navendên rewşenbîrî û edebî ji 17 welatên cîhanê tevlî pêşangehê bûne.”

Di pêşangehê de zêdetirî 3 mîlyon pirtûk hene, ji vane 45 hezar pirtûkên zanistî ne. Yên din jî pirtûkên li ser tenduristî, edebî, raman, huner, felsefe û olin. Piraniya pirtûkan bi zimanên kurdî, erebî, îngilîzî, farisî û tirkî ne."

Pêşangeh wê her roj di saetên 09:00’an de were vekirin û heya saet 18:00’an vekirî be.

Ji Rojnewsê hatiye girtin