Diyarname
Fîlmê derhêner Miraz Bezar ê bi navê "Min dît" 2'yê meha pêşiya me dikeve vîzyonê. Fîlm di Festîvala Fîlman a Navneteweyî ya Stenbolê de jî di beşa Pêşbaziya Neteweyî de tê nîşandayîn.
Li ser rêya Amed-Batmanê, di şeveke tarî ya gulanê de jiyana Gulistana 10 salî û birê wê Firat diguhere. Bavê wan ê rojnameger û diya wan li ber çavên wan tên kuştin. Li dû tenê Gulistan, Firat û xwişka wan a şeş mehî Dilovan ya di hembêza dayikê de dimîne.
Tekane xizma zarokan xaltiya wan Yekbûn e. Lê piştî kurtedemekê xaltiya wan jî winda dibe û Gulistan û Firat bi tena serê xwe dimînin. Zarokên ku ji bêperetiyê tiştên malê difroşin, êdî nikarin kirêya mala xwe jî bidin, li kuçeyên Amedê dest bi jiyanê dikin.
Di destê wan de tekane tiştê mayî kaseteke ku diya wan ji wan re têde çîrokek tomar kiriye. Çîrok qala "Gurê Bi Zingil" dike.
Ev agahiyên jorîn li ser naveroka fîlmê Min dît e. Min dît ku heta niha beşdarî gelek festîvalan bû û gelek xelat girt niha wê li Tirkiyeyê û bajarên kurdan bê nîşandayîn. Fîlm ji ber ku beşdarî 29'emîn Festîvala Fîlman a Stenbolê dibe pêşî wê 2'yê avrêlê de li bajarên kurdan bê nîşandayîn û piştî festîvalê 30'ê avrêlê de jî wê li Stenbolê bê nîşandayîn.
Kunye:
Derhêner/Senaryo: Miraz Bezar
Lîstikvan:
Gulîstan: Şenay Orak
Fırat: Muhammed Ali
Nuri Kaya: Hakan Karsak
Zelal: Suzan İlir
Dîlan / Dîlara: Berîvan Ayaz
Dayik: Fahriye Çelik
Bav: Alişan Onlu
Derhênerê dîmenê: Isabelle Casez
Muzîk: Mustafa Biber
Ziman: Kurdî / Tirkî
Xelatên ku girtine:
- International Film Festival San Sebastian: Gaztea Youth Award
- International Film Festival Ghent: Special Jury Prize
- International Filmfest Hamburg: Young Talent Award
- 46'emîn Festîvala Fîlman a Porteqalê ya Antalyayê: Xelata Taybet a Behlul Dal
Salonên ku wê lê bê nîşandayîn:
Amed: Yenişehir Galeria Amed : CineMALL
Batman : Salona Yilmaz Guney
Wan : Cinevan
Wan : Sinemaks
Enqere: Buyulu Fener Kizilay
Riha : Emek
Wêranşa: Salona Şaredariyê
Mêrsîn : Marinavista
Tetwan : Cinemed
Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.
.jpg)
.jpg)
.jpg)
.jpg)