Diyarname

Bilêtên fîlmên 29’emîn Festîvala Fîlman a Navneteweyî ya Stenbolê 20’ê adarê dest bi firotina wan hate kirin.

29’emîn Festîvala Fîlman a Navneteweyî ya Stenbolê îsal di navbera 3-18’ê avrêlê de li dar dikeve. Di festîvalê de îsal li dora 200 fîlmî hene. Bilêtên fîlman 20’ê vê mehê derketin bazarê.

Bilêtên fîlman ji bilî Galayên Akbankê buhaya temam bi 10 TL, bilêtên bi buhaya erzan jî 7 TL hen. Bilêtên fîlmên ku di çarçoveya Galayê de têne nîşandayîn jî bi 15 TL’yî têne firotin.

Her wiha li nava hefteyê di seansên 11.00–13.30 û 16.00’an de bi 3,50 TL’yî têne firotin.

Kesên bixwazin dikarin ji van deran bilêtan bikirin:

- Avahiya ÎKSV (Sadi Konuralp Caddesi No:5 Şişhane/Stenbol, her roj di navbera saetên10.00 -19.00’an de)
- Li gîşeyên salonên Atlas, Yeni Ruya û Kadikoy
- Cihên BİLETİKS
- Navenda Telefonê ya BİLETİKS’ê
- Û www.biletix.com

Di festîvalê de îsal di bin 22 beşan de ji 57 welatan 200 fîlmên 243 derhênerî têne nîşandayîn. Her wiha dersên sînemayê, gotûbêje û şahiyên bi surprîz beşên din ên di festîvalê de ne.

***

Nûçeyên eleqedar:

- Li Stenbolê 200 fîlm li benda we ne