Stenbol
Nîşana herî bi prestîj Legion d'Honneur a Fransiz ku didin kesên bijare bi merasimekê dan Yaşar Kemal. Yaşar Kemal di merasimê de got: "Huner, hunera rastîn li dijî zilmê, şîdetê, çilekiya xecrkirinê, li dijî her tiştê ku ne miroviye ye."

Ji bo xelatdayînê roja 17'ê mehê li Qesra Fransiz a li Beyogluya Stenbolê merasimeke hat li dar xistin. Turkan Şoray, Zulfu Livaneli, Hasan Cemal, Abdullah Demirbaş, Ragip Duran, Mehmet Ali Brand jî di nav de gelek kes beşdarî merasimê bûn. Her wiha Balyozgerê Tirkiyê yê Fransayê Laurent Bili, Serokê Konseya Légion d'Honneur Şansolyeyê Mezin Orgeneral Jean-Louis Georgelin jî amade bûn.

Fransayê di sala 1983'yan de nîşaneya di asta "Commandeur" (Fermandar) de dabû Yaşar Kemal vê carê ev nîşane asta wê bilind kir û nîşaneya "Grand Officier" (Sûbayê Mezin) da Yaşar Kemal.

Yaşar Kemal di dema xelatgirtinê de got: "Azadî, wekhevî û biratî daxwaza hemû mirovahiyê ye. Wekî gelek hunermendî bi ya min jî dê xweşikî dinyayê rizgar bike lê ez dinêrim dora min cehenem e. Li hin welatan xwîn laşan dide ber xwe dibe, şerên ku şerma herî mezin a mirovahiyê ne didomin. Dîsa şerma ji wê mezintir birçîbûn didome. Biçûkxistina mirovan ji aliyê mirovan ve, kedxwariya mirovan a ji aliyê mirovan ve didome. Erozyona çandê, erozyona axê, qirêjkirina xwezayê bi leza mezin didome."

Kemal di dawiyê de got: "Hêvî ji bo mirovahiyê nirxa herî mezin e ku mirovahî lê xwedî ye. Min her kir ku strana hêviyê bistrêm."