Diyarname
UNESCO ji bo balê bikişîne ser pirtûkan û girîngiya xwendinê her sal bajarek wekî Paytexta Pirtûkan a Dinyayê hildibijêre. Îsal Atîna hatiye hilbijartin.
Di sala 1995'an de Kongreya Yekîtiya Weşangerên Dinyayê li Barselonayê li hev civiya û biryar da ku roja 23'yê avrêlê wekî "Roja Pirtûkan a Dinyayê" bê pîrozkirin. Ji ber ku 23'yê mehê yan rojbûn an jî roja mirina nivîskarên wekî Cervantes, Shakespeare, Vega, Nabokov e ev roj hatiye hilbijartin. Armanc ew e ku balê bikişînin ser pirtûkan û xwendina pirtûkan; teşwîqê hurmetê ji bo mafê weşanê, azadiya ramanê bikin; pirtûk di dan û standina aramiyê li dinyayê de bê bikaranîn û xizmetê ji bo aştiya dinyayê bike.
UNESCO li ser vê yekê her sal bajarekî wekî Paytexta Pirtûkan a Dinyayê radigihîne. Ragihandin jî di roja 23'yê mehê de tê kirin. Îsal Atîna wekî Paytexta Pirtûkan a Dinyayê hat ragihandin û heta 23'yê avrêla 2019'an dê ew der bimîne.
UNESCO ji bo vê rojê dibêje pirtûk diyarî ye û diyariyê diyarî hezkiriyên xwe bikin.
Ji 23'yê mehê ve heta salek Atîna di vê çarçoveyê de dê hewl bide ku balê bikişîne ser pirtûk, weşangerî û mijarên pêre eleqedar; li ser van dê xebatan bike.
Yekîtiya Weşangerên Tirkiyeyê (TYB) jî ji bo vê rojê daxuyaniyeke nivîskî weşand û xwest her kes pirtûkê diyarî hezkiriyên xwe bike.