Aydin Engîn

Pitik Deran,
Dema tu bigihîjî wê temenê ku vê nameyê bixwînî dibe ku min ji vê dinyayê koç kiribe. Ji ber vê yekê leza min heye. Ji ber vê ez niha, hê ji îro de vê nameyê ji bo te dinivîsim.

Tu keça Mamoste Ayşe Çelîk î. Ew jina çav reş ku bi telefonê xwe gihandibû wê bernameya showê ku dinyaya wan reytîng e û gotibû "Bila zarok nemirin". Tu keça wê dayikê yî.

Vê sibê li wê cihê biçûk ku tu lê şiyar bûyî ne mala we ye, hucreyeke girtîgehê ye. Ji ber ku diya te gotiye "Bila zarok nemirin" tu vê sibê li wê hucreyê hişyar bûyû Pitik Dêran.

Binêre guh bide, duh êvarê ji Belçîkayê hevalekî min ê rojnameger bi telefonê li min geriya, pirsek zelal pirsî:
- Engîn, Mamoste Ayşe çima ket hepsê? Wê propagandaya PKK'ê kiriye?
Bi heman zelalî û kurtî min bersiv da:
- Na, ji ber ku got bila zarok nemirin ket hepsê.
Piştî bêdengiyek kurt dîsa pirsî:
- Tu henekan dikî.
Bêyî biseknim min bersiv da:
- Na, ez gelek cidî me. Hem jî pir cidî me.
Paşê bêdengiyeke dirêj çêbû Pitik Deran. Paşê bêyî em xatir ji hev bixwazin me telefon girt.
***
Di van rojên giran ku edalet têk çûye, hiqûqa wijdanê xirabûye de ger hê jî şîrê diya te qut nebûbe dev biavêje pêsîra diya xwe. Na, ger şîrê Mamoste Ayşe qut bûbe rojên dijwar li benda te ne. Ji dêvla şîrê dayikê dîtina mamayê ne zor e. Lê gihandina wê mameyê heta hucreya diya te gelek zor e.

Li ser betonê tuyê hînê meşa çarlingkî bibî Pitik Deran. Paşê tuyê diranan derxî û dema derketina diranan tuyê xew li diya xwe heram bikî. Bila be, ka te bizanibiya Ayşe Çelîk çi dîtiye çi nedîtiye. Serbilind sekinî, ser bi ser ket ku siya wê nekeve ber wê. Dîsa dê bi ser bikeve. Netirse, tu di ewlehiyê de yî. Germa dayê, bêihn û lorikên wê her dê ligel te bin.

(Pitik Deran, niha ez ji bo te kevanek mezin vedikim:

Ey Fazil Say, ey Sezen Aksu, ey Şanar Yurdatapan, ey bestekarên vî welatî ku min navên wan nekarîn li vir bi cih bikim, hosteyên muzîkê!..

Gotina min ji bo we ye:
Zend û bendan ba din û ji bo Pitik Deran lorikan çêbikin. Bila lorikek wisa narîn be, li hucreyên girtîgehê belkî dayikên bê perwerde bikaribin vê bibêjin, bila lorikek germ be ji bo Pitik Deran... Ez kevanê digirim.)
***
Pitik Deran ev name gelek dirêj bû û bi qasî ku yek dest bide min ezê bigirim wisa bi keder im û bi vî awayî jî ez hêrsbûyî me.
Lê ji niha de bizane Pitik Deran, ev du roj in li vî welatî tu pitika bi mîlyonan mirovên ku hê dilê wan reş nebûye yî.
Tu pitika me jî, keçika me yî jî.
22.04.2018, Cumhuriyet