Diyarname
Li Fûara Pirtûkan a Stenbolê TUYAP'ê vê carê "Piyase û Wêje" hat nîqaşkirin. Di gotûbêjê de li ser piyaseya firotina pirtûkan û wêjeyê hate sekinîn, agahiyên balkêş hatin pêşkêş kirin.

Semih Gumuş, Omer Turkeş û Sezer Ateş Ayvaz wekî axifger beşdarî gotûbêja "Piyase û Wêje" a ku ji aliyê PEN'ê ve hatibû li dar xistin bû.

'Pêşerova pirtûkan bi meseleya civîkî ve girêdayî ye'

Rexnegirê wêjeyê Omer Turkeş li ser pirtûkên ku zêde têne firotin sekinî û wisa got: "Pirtûkên pir têne firotin bi nivîskarên baş re tê tevlihev kirin. Li Tirkiyeyê pêşî lê dinêrin ka çiqasî difroşe. Ev ji bo wêjeyê piyaseyeke xirab e. Her tiştê pir tê firotin nayê wê wateyê ku pir baş e."
Turkeş her wiha diyar kir ku pirtûk hindik di refan de dimînin, pirtûkfiroş zû wan bi paş ve dişînin ev yek jî pirsgirêkek din a nefirotinê ye. Ji bo pêşeroja pirtûkan e jî da zanîn ku ev yek bi meseleya civîkî, sosyalî ve girêdayî ye.

'Pêdiviya me bi kovaran heye'

Nivîskar Sezer Ateş Ayvaz jî li ser meseleya berhem û nivîskar, kêmasiyên ku di vî warî derdikevin holê sekinî û ev anî ziman: "Çapemenî, reklam dor li berhemê dipêçe, pirtûkê jî, nivîskar jî dike amûreke. Lê nivîskar divê li jiyanê binêr û bibêje divê wisa nebe. Nivîskar jixwe divê muxalîf be. Bi reklam û hevpeyvînên ku têne kirin re berhem dernakeve pêş, nivîskar derdikeve pêş.Hemû nivîskar di nav hêviya wêjeyeke taybet de ne. Pir firotina pirtûkan ne estetîk e. Ez nabêjem hemû pirtûkên ku pir difroşin ne baş in."
Ayvaz diyar kir ku di warê wêjeyê de nefirotin û ji ber vê yekê jî dawîlêanîna weşana kovaran hemû nivîskaran eleqedar dike û da zanîn ku gelek pêdiviya wan bi kovarê heye.

'Dewlet pir bacê digire'

Edîtorê kovar û weşanxaneya Notosê Semih Gumuş jî li ser rewşa dawî ya wêje, pirtûk û pirtûkxaneya hin mînak dan û wisa got: "Di 6-7 salên dawî de gelek cure pirtûk hatin weşandin. Di van salên dawî de cureya pirtûkên ku derdikevin ji 5-6 hezaran derket 30 hezarî. Di sala 1980'yan de 100 weşanxane hebûn 10 hezar pirtûkfiroş hebûn, niha 2000 heb weşanxane hene lê hejmara pirtûkfiroşan ji vê 10 hezarî daketiye 6 hezarî."
Gumuş bal kişand ser baca ku dewlet ji weşanxane û nivîskaran digire û diyarkir ku rêjeya vê bacê derdikeve heta 25'ê û got ku ev yek gelek zêde ye.
Gumuş di warê zêde firotina pirtûkan de jî qala pirtûkên di nav gelek salan de difroşe kir. Mînaka "Înce Memed" a Yaşar Kemal kir ku di 50 salan de mîlyonek û sed hezar heb firotiye, ev yek wekî tişteke girîng bi nav kir. Dîsa got ku Nazim Hîkmet di nav yê pir difroşe de ye, di warê helbestê de Orhan Velî yê herî zêde difroşe ye.
Semih Gumuş diyar kir ku pirtûk û weşangeri digel ku sektor e lê dewlet wekî sektorên din sektor nabîne, dîsa jî ji sekroteke din zêdetir bacê dide ser vê sekrotê.