Diyarname

Hat gotin ku Serokê Koreya Bakur Kim Jong-un Serokdewletê DYA'yê Donald Trump vexwendiye welatê xwe û Trump jî ev vexwendin qebûl kiriye.

Şêwirmendê Ewlehiya Neteweyî yê Koreya Başûr Chung Eui-Yong piştî ligel rayedarên DYA'yê hevdîtin çêkir li Qesra Spî daxuyanî da çapemeniyê û qala nameya ku Serokê Koreya Bakur Kim ji Trump re şandiye kir. Eui-Yong îdîa kir ku hevdîtin dê meha gulanê de çêbibe û wisa dom kir: "Kim gotiye ku ji niha û pêde dê li Koreya Bakur ceribandinên fuzeyên nukleer û balîstîk çênekin."

Her wiha rayedarên Koreya Başûr Eui-Yong got ku hêviya aştiyê ya di navbera her du welatan de çêbûye.

Li aliyê din Berdevka Qesra Sipî Sarah Sanders daxuyaniyeke nivîskî weşand û diyar kir ku dê hevdîtin çêbe lê dema wê hê nediyar e.