Diyarname
Ji bo Tûrnûvaya Kûpaya Cîhanê ya 2018'an pişke hat kişandin. 32 tîm di nav 8 koman de cih girtin. Maça yekemîn dê di navbera Rusya û Erebistana Siûdî de bê lîstin.
Pişke li Qesra Kremlîn a li Moskovaya Rusyayê li dar ket. 8 kom hatin sazkirin û 32 tîm li wan hatin belavkirin.
Di dema pişkeyê de lîstikvanê tîma neteweyî ya Îngilistanê yê berê Gary Lineker pêşkêşvanî kir.
Tîmên ku di nav maçên koman de di du rêzên pêşî de cih bigirin cih bigirin dê derbasî maçên dora 16'an bibin.
Di merasimê de Serokdewletê Rusyayê Vladimir Putin û Serokê FIFA'yê Gianni Infantino axivîn.
Putin got ku ew dilşad in mazûvaniyê dikin û diyar kir ku hemû alîgirên tîman mêvanên wan in.
Ji lîstikvanên tîmên berê yên welatan Gordon Banks ê îngilîz, Laurent Blanc ê fransiz, Cafu brezîlî, Fabio Cannavaro îtalî, Diego Forlan ê ûrûgûayî, Diego Maradona ê arjantînî, Carles Puyol ê spanyol û Nikita Simonya ê rus jî beşdarî merasima pişkeyê bûn.
Maçên kûpayê dê li 11 bajarên Rusyayê bêne lîstin.

Vane di encama pişkeyê de rewşa koman:

KOMA A: Rusya, Misir, Erebistana Siûdî, Ûrûgûay

KOMA B: Spanya, Portekîz, Îran, Fas

KOMA C: Fransa, Perû, Danîmarka, Avustralya

KOMA D: Arjantîn, Hirvatistan, Îzlanda, Nîjerya

KOMA E: Swêd, Brezîlya, Swîsre, Kosta Rika, Sirbistan

KOMA F: Almanya, Meksika, Swêd, Koreya Başûr

KOMA G: Îngilistan, Belçîka, Tûnûs, Panama

KOMA H: Polonya, Kolombiya, Senegal, Japonya