Yekîtiya Nivîskarên Kurd şaxê Dihokê daxuyaniyek belav kir û têde ragihand ku endama wan û endama desteya nivîsê ya kovara wan “Peyv” helbestvan Gulnar Elî ji encama nexweşiyek giran li Amerîka roja yekşemê (18.06.2017) oxira dawî kiriye û sersaxî li endamên  xwe û malbat û dost û  hevalên wê kiriye. 
Gulnar Elî balateyî
Helbestvana jin ya bi nav û deng ser asta Kurdistanê. ew helbestvana Kurdistanê bû û bi vî navî hatiye nav kirin ji ber bi zimanekê xweş û ferhengeke zengîn ku piraniya kurdan dikarin helbest û nivîsên wê bixwînin. Zimanê devera xwe negirtiye dûr ji zimanê herêmî ketiye. û ji nameya wê diyar dibû ku Kurdistan yek parçe ye. Dema tu nivîsên Gulnar Elî dixwînî tu nizanî bê xelkê kîjan deverê ye, tenê tu dibêje ev jinek kurd e û kurdeke resenem ji pakiya peyvên wêyên rind û bi hêz.
Mamosta û helbestvan û nivîskar Gulnar Elî ji dayik bûya sala 1974’an li Kurdistana- başûr li devera Balete ser bi bajarê Dihokê ve.
Di sala 1992-1993 de bi berhevkirina Mamosteyan / beşê zimanê Iniglîzî bi dest xwe ve anî ye.  
Li sala 2009 bawernama zankoyê bi lîteratura îngilîzî li Amerîka bi dest xwe ve anî ye.  Her wiha ew Endama Yekîtiya Nivîserên Kurd Şaxê Dihokê ye.
Wî bi zimanê kurdî û erebî nivîsandin û wergerên zimanê îngilîzî. Helbestên wê cihê xwe di gelek kovar û malperên kurdî û erebî de dîtine. Gelek berhemên wê çapkirî hene. û gelek li ber çapê ne.
Berhemên wê:
- Heyv û diwazdeh heyv, 2006, Dihok
- Lavija kevnewarekê xembar, 2008, Dihok
- Miy Soul still a Virgin, 2010, DYA- Boston
- Henasek ji tîpen xewna sînoran, 2012, Dihok
- Dîwan Elnewaris tenuh qêadî (Erebî), 2014, Dihok
- Kurduniya Roman bi zimanê Erebî, 2015, Sûriya

Ev nivîs ji malpera Yekîtiya Nivîskarên Kurd – Dihok hatiye girtin
Tîpguhêzîn: Hozan Emîn