Amed
Dora meşa ji bo ziman îro ya Farqînê bû. Li Farqîna Amedê bi sedan kes ji bo ziman meşiya.

Girseya rêveberên DTP'yî, Şaredarê Farqînê Fîkret Kaya, Şaredarê Bayrambaşiyê, endamên Nûneriya Egîtîm Sen'a Farqînê, xebatkarên TZPKurdî di nav de, li ber avahiya Rêxistina DTP'a Farqînê hatin cem hev. Bi sedan kes ji vir heta ber Konaxa Hikûmetê bi pankarta, "Êdî bes e em perwerdehiya kurdî dixwazin" meşiyan.
Di dema meşê de girseyê sloganên, "Bêziman jiyan nabe", "Bê Serok jiyan nabe" avêtin û dowîzên, "Ziman mifteya azadiyê ye", "Kurdo li zimanê xwe, xwedî derkeve", "Êdî bes e em perwerdehiya kurdî dixwazin" vekirin. Di dema meşê de polîsan tedbîrên berfireh girtin.

Endamê TZPKurdî M. Şerîf Fîdanci, anî ziman ku kurd xwedî çandek pir dewlemend in û wiha got: "Kurdan li Mezopotamyayê derguşiya gelek gelan û çandan kiriye. Bi hezaran salan e kurd li vir dijîn. Xwedî hemû cureyên çanda devkî û nivîskî ne. Ez dewlemendî ji Baba Tahirê Hemedanî heta Ehmedê Xanî û ji Evdila Hanî heta Cîgerxwîn dom dike. Bi vî zimanî berhemên mezin hatine nivîsandin û zanyarên mezin hatine gihandin. Li Tirkiyeyê 20 milyon kurd hene û wekî hemû gelan xwedî mafê pewedehiya zimanê xwe ne. Ji bo vê yekê em mafê zimanê zikmakî dixwazin û ji bo vê em dê heta dawiyê bitêkoşin."

Piştî axaftinê girseya heta Navenda Hevgiriyê ya Jinan a Meyayê meşiya li vir perwerdehiya kurdî dît.

Her wiha li Cizîr û Sirûcê jî bi sedan kes ji bo ziman meşiyan.

Ji DÎHA'yê hatiye girtin