NAZDAR EBDΠ

Bi minasebeta salvegera serkeftina berxwedana Kobanî Akedemiya Ş. Viyan Amara ya Kobanî pirtûka “Çirûskek ji berxwedaniya Kobanî” amade kir û hat çapkirin.

Pirtûka ku ji çîrokan pêk tê, ji alî nivîskarên ji Kobanî ve hatine nivîsandin û behsa berxwedana dîrokî ya Kobanî, êşa koçberiyê tên kirin.   

Yek ji nivîskarên pirtûkê Aras Hiso der barê pêvejoya berhevkirina çîrokan û amadekirina pirtûkan de wiha axivî: "Her çiqasî kêm be jî, ku hîna gelek tiştên veşartî di nava kolan û kuçe û birînên vî bajarî de veşartî bûn, me xwest wekî çirûskekê ji ronahiya vî bajarî derxin holê. Ji navê pirtûkê de diyar e ku çirûskeke ji berxwedaniya Kobanî ye. Ji ber ku em çi bikin jî nikarin mafê vê berxwedanê bidin”.

Nivîskar Hiso diyar kir ku hêvî dikin xwîner çêjeke xweş ji xwendina vê pirtûkê bigrin.

Hin nivîskarên amadekarên pirtûkê ev in: “Ednan Hesen, Heysem Mislim, Cîhan Hesen, Selah Mislim, Aras Hiso, Mehrîvan Beyro, Sozdar Mehmûd, Rodîn Mihîdîn, Zîlan Hemo û Ridwan Deharo. Her wiha nivîskar Helîm Yûsiv û Şêwekar Munîr Şêxî jî piştgirî dan xebatên amadekirin û derxistina vê pirtûkê.

Ji Yenî Ozgur Polîtîka hatiye girtin