Diyarname
Li Dêra St Joseph a li bajarê Tillburgê fîlmê porno kişandin. Rêveberiya dêrê bi gotina "Ev der cihê kişandina fîlmê porno ye?" reaksiyon nîşan da û gotin ku dê serî li dozgeriyê bidin.
Kanalek bi şîfre fîlmê bi navê "Meiden van Hollond" (Keçikên Hollandayê) weşand. Xwediya kanalê Kim Holland ku di heman demê de stêrkek pornoyê ye lêborîn xwest. Kanalê berê li parka şahiyan Walibi ku piranî malbatên bi zarok diçin wê parkê jî fîlmekî pornoyê kişandibû û rastî reaksiyonan hatibû. Kanalê li ser rexneyan gotibû ku dê vî fîlmî êdî neweşînin û ji dêvla wê fîlmek din biweşînin. Ev fîlmek din ku qal kiribûn li dêra St Jozef û di nav dêrê de jî li odeya tobekirinê kişandine.
Televîzyona Tilburg ev agahî weşand û dêrê bertek nîşan da. Keşe Jan van Noorwegen li odeya tobekirinê kişandina fîlmê pornoyê wekî "gavek bi tirk û xirab" bi nav kir. Keşe got ku ew nizanin kengê fîlm kişandine û wisa dom kir: "Çawa ketine hundir ez nizanim. Ma ev der cihê kişandina fîlmê porno ye? Ji bo em derbarê kesên ev fîlm kişandiye de dozê vekin emê ligel Konseya dêrê tevdîtinê çêbikin."
Keşeyê Dêrê St Jozef Ven Noorwegen diyar kir ku ew bi biryar in dozê vekin û got: "Çi fêdeya lêborîn xwestinê heye. Ger doz vebe belkî carek din kesek ranebe tiştek wisa neke."
Ji BBC Tirkî hatiye girtin