Diyarname

Mebûsê HDP'ê yê Amedê Ziya Pîr ji Wezîrê Karên Hundir ê Tirkiyeyê Suleyman Soylu pirsî "Ahmet Davutoglu ku gotibû ez ji Amedê me, dikare here maça Amed Sporê?"

29'ê mehê di navbera Gençlerbirligi û Amed Sporê de Maça Kûpaya Tirkiyeyê dê bê lîstin. Midûriyeta Emniyeta Enqereyê ragihand ku kesên di nasnameya wan de "Ji Amedê ye nenivîse" nikare were maçê temaşe bike. Li ser vê yekê Mebûsê HDP'ê Pîr birsiyarnameyek ji bo Wezîr Soylu bibersivîne da wezaretê.

Pîr ji Soylu hin pirsên bi vî rengî kir:

- Kesên ne ji Amedê bin lê diya wan ji Amedê be dê bikaribe here li maçê temaşe bike? 

- Kesên ku herin maçê temaşe bikin emniyet nikare ewlehiya wan bigire? Ger dikare çima dibêje tenê yên ji Amedê bin dikarin herin li maçê temaşe bikin?

- Kesên li bajarên din hatibin dinê bi wan re talûke heye=

- Di 1'ê avrêla 2016'an de Ahmet Davutogğlu ku li Amedê got, "Dibe ku ez li Konyayê hatibim dinê lê ez ji mêj ve ji Amedê me" dikare here li maçê temaşe bike?

- Di maçên Fenerbahçeyê de tenê yên li Kadikoy, di yên Galatasaray de tenê yên li Beyoglu, di yên Beşîktaşê de tenê yên li Beşîktaşê hatine dinê dê bikaribin herin maçên wan temaşe bikin?

- Lîstikvanên Klûba Amed Sporê ku ne ji Amedê de gelo dê bikaribin bikevin sehayê?

**

Nûçeya eleqedar:

- Dinyayê qedexeyek wisa jî dît!