Diyarname
Mela Mehmûdê Bazîdî yek ji wan şexsiyetên girîng e ku ji bo ziman û çanda kurdî gelek ked daye û navê wî ketiye nava dîroka kurdî. Niha bi gotarek ew bûye mêvanê kovara Kurt Tarîhî.
Kovara "Kurt Tarîhî" ku du meha carek bi tirkî weşanê dike hejmara xwe ya sermawez-berfanbarê derxist. Di vê hejmara 27'an ku niha derket de Mûrad Celalî li ser Mela Mehmûdê Bazîdî gotarek nivîsandiye û ev gotar bûye berga kovarê. Di gotarê de biyografiya Mela Mehmûdê Bazîdî tê pêşkêş kirin.
Lêkolîner Rohat Alakom ku di her hejmarê de ji Swêdê agahiyên dîrokî yên li ser kurdan berhev dike û pêşkêş dike vê carê berê xwe dide Serokomarê Tirkiyeyê yê dema derbeya 27'ê gulanê Cemal Gursel û meseleya komkujiya li ser kurdan a wê demê hatibû rojevê dide ber ronahiyê.
Nivîskar Mesûd Serfiraz jî berê xwe daye ser berhemên Bedirxaniyan ên di dema serdema dawî ya Osmanî.
Yek ji nivîsên girîng jî a nivîsa Boris James e. Wî mijara "Di sedsala 13'an de çêbûna Kurdistanê" girtiye dest, di nivîsê de heta sedsala 13 û 14'an diçe, hem wekî beşek siyasî çêbûna Kurdistanê digire dest, hem jî di nav împaratoriyan de çîroka bidestxistina xweseriya kurdan radixe ber çavan.
Tahîr Baykuşak nivîsa Firat Aydinkaya nirxandiye û rexne kiriye. Di hejmara berî vê de kovarê li ser dengbêjan dosya amade kiribû di vê hejmarê de ew dom kiriye û hin nivîsên nû pêşkêş kirine.
Ji bo têkilî û xwestinê:
Tel: 0532 173 25 09
E-mail: kurttarihi@yahoo.com
Web: www.kurttarihidergisi.org