Diyarname

Rojnameya Bild ku li Almanyayê yek ji rojnameyên girîng e îro bi manşeta "Dîktator Erdogan" derket. Bildê îro beşek firah ji bo bûyerên li Tirkiyeyê veqetand. Bild piştî manşetê ev pirs kir, "Dawiya vî karî dê ber bi ku de here?" kir.

Rojnameyê di nûçeyê de cihek fireh daye girtina Hevserokên HDP'ê û bal kişandiye ser biserdegirtina rojnameya Cumhuriyetê. Rojnameyê wisa gotiye: "Nîvê şevê siyasetmedarên muxalif hatin binçavkirin. Û dîsa teqînek. Tirkiye ber bi şerê navxweyî ve tê dehfdan. Serokomar her ku diçe dibe dîktator. Piştî derbeya 15'ê Tîrmehê heta niha 36 hezar kesên şikbar hatine binçavkirin. Girtîgeh tije bûne êdî cih lê nîn e. Her kesê dijî desthilatdariyê têne binçavkirin; yên ku dijî derbeyê ne jî..."

Rojnameyê her wiha ev gotin bikar aniye: "Tirkiye tu demê bi vî awayî ber bi şerê navxweyî ve nehatibû dehfdan û divê Ewropa biryara xwe bide."