Diyarname
Komeleya Nivîskarên Kurd Li Swêdê (KNNS), di 20'ê pûşpera 2009'an de, namemeyek vekirî ji Serokomarê Tirkiyeyê Abdullah Gul, Serokê Meclisê ya Komara Tirkiyeyê Koksal Toptan, Serokwezîr Recep Tayyip Erdogan û ji Wezîrê Karên Hundir Beşir Atalay re şand û doza navên kurdî yên gund, bajar, cih û warên kurdan kir. Enstîtuyê ji Tirkiyeyê xwest ku navên gund, bajar û navçeyan ku guhartine dîsa bi paş ve li wan bikin.

Komele di daxuyaniya xwe ya nivîskî ku weşand de dibêje: "Wekî ku hûn jî dizanin, di sala 1940'î de, ji aliyê Wezîrê Karên Hundur ve bi emirnameya hejmara 8589'an, di serî de li navçeyên me û navên kurdî yên cih û warên me hatin guherandin û di şûna wan de navên tirkî li wan hatin kirin. Ev kiryar di sala 1957'an de, ji aliyê Dezgeha Guherandina Navan dîsa hate rojevê û heta sala 1978'an berdewam kir" û daxuyaniya komeleyê wisa didome: "Me wekî Komeleya Nivîskarên Kurd li Swêdê, di 28'ê adara 2009'an de bi daxuyaniyekê ji raya giştî re doza navên gund, bajar û navçeyên xwe yên kurdî ku ji aliyê Hukumetên Tirkiyêyê hatibûn guherandin, kiribû. Ev daxwaza me hem di nav welêt de û hem jî li Ewropayê piştgirîyeke mezin girt."

Komele dibêje "Êdî dema wê hatiye ku ev bê serast kirin. Ji bo vê yekê, em daxwaz dikin ku ev qanûnên hê îro jî di jiyanê de ne, bêne rakirin û navên me yên kevn paşde bêne dan."
Komele diyar dike ku heta navên kurdî yên cihan bi paş ve bêne dayîn êwê şopgerê meseleyê bin.