STENBOL

Polîsan bi ser avahiya ÎMC'ê de girt û pîştî lêgerînê qanala ÎMC Tv bi temamî girtin. Her wiha polîsan mohr li deriyê dejiya Hayat TV jî da.

Heta niha 12 kanal û 11 radyo hatin girtin ku deriyên wan jî yek bi yek hat morkirin. Mora dawî îro li kanala ÎMC TV dan. Polîs îro bi ser avahiya Hayatin Sesî TV de girt û lêgerînê kirin, pêre jî komek polîsên din bi ser avahiya ÎMC TV de girtin. Hemû xebatkarên kanalê derketin weşana zindî û  bi hev re nerazîbûnên xwe anîn ziman. Polîsên Şaxa Ewlehiyê û Maliyê li avahiyê lêgerîn kirin.

Dema polîs ketin studyoya weşana zindî li salonê Kordînatorê Weşana Giştî ya ÎMC TV Eyup Burç bertek nîşan da û got: "Ji bo zaliman bijî dojeh" û bertekên xwe anî ziman. Hemû xebatkarên ku di weşana zindî de diruşmên "Bimre faşîzm", "Çapemeniya azad bêdeng nabe" "Çapemeniya gel ne bi tenê ye" berz kirin. 

Polîsên ku li avahiya ÎMC TV lêgerîn kiri weşana wê birîn.
Her wiha polîsên ku çûn Hayat TV li wir jî piştî lêgerînê deriyê rejiya televîzyonê mohr kirin û çûn.

Ozgur Radyo jî girtin

Di vê navberê de polîsan bi ser Ozgur Radyo de jî girtin. Li radyoyê li dor deh kesî hatin binçavkirin.