Diyarname

Li dinyayê her welat xwedî rojevek e. Rojhilata Navîn di nav şer de digevize, lê Ewropa xwedî rojevek cudatir e û cafeyên oral seksê nîqaş dike.
Yekemîn car rojnameya îngilîz The Independent nûçe ragihand: "Fellatio (Oral Seks) Cafe dê vebe. Cafe dê pêşî 5'ê berfanbara 2016'an de li Swîsreyê vebe û dûre dê li herêma Paddington a Londona Îngilistanê vebe.. Wisa hatiye plankirin. Ev yek bû sedema nîqaşan.

Li gor nûçeyê cafeya bi 150 metrekareyî ku bi şiklê barok dê bê vekirin, dema kes herin dê garson ligel qehwe û berhemên pastayê dê iPadek jî bidin wan. Yên bixwazin ji kataloga di nav iPadê de dê eskortek hilbijêrin û oral seksê bikin.

Di nûçeyê de ev qehwe di heman demê de wekî "Qehweya herî buha ya Îngilistanê" hatiye nivîsandin ku dê qehweya herî erzan bi 50 sterlînê (200 TL) be û her 15 dedîqe carekê dê 10 sterlîn li fatureyê bê zêdekirin.

Bradley Charvet avakarê Cafe Fellatio ye. Ew ji bo projeya xwe bixwe jiyanê ji malpera eskortan piştgiriya sponsoriyê girtiye. Ew dibêje ev konsept niha li Taylandê heye û ew jî dixwaze vê yekê li Ewropayê saz bike. 

Di demên dawî de li DYA (Dewletên Yekbûyî yên Amerîkayê) û Ewropayê projeyên wekî "Cafeya şilfî taziyan" hatibûn vekirin.

Piştî weşandina nûçeyê nîqaş derketin. Hin dibêjin tu ferqa vê û kerxaneyan nîn e. Hiqûqnasên ji bo malpera Vice News a DYA'yê axivîne gotine ku fihûş û kerxane legal in, li Cenevreyê dikare cafeyek wekî vê bê vekirin, lê li Londonê ev yek ne mimkûn e ji ber ku li Londonê fihûş her çiqas legal be jî kerxane qedexe ne û astengiyên mezin li pêş karkerên seksê hene.

Tê gotin ku Fellatino Cafe li paytexta Îngilistanê bê vekirin di cih de dê bê girtin. Charvent jî wisa dibêje, "Di dawiya salê de dema me cafe vekirin emê bibînin ka dê rewş çawa be. Garson dê tenê garsonî bikin. Karê cinsî dê eskort bikin."