Diyarname

Di Koma F de ji bo yekemînî Portekîz favorî bû. Dîsa Portekîz ew tîm bû ku di nav tîmên ku îhtîmal e heta çarîk fînal, nîv fînal, fînalê biçin yek jê jî Portekîz bû lê di dawiya du maçan de Portekîzê ev hêvî şikand, lewma Portekîz di her du maçan de jî wek hev ma, tenê karî 2 pûanan bide ser hev.

Maça diduyan a Portekîzê îro ligel Avusturya bû. Erê Portekîzê heta bêjî êrîş dikin, heta ber deriyê Viyanayê jî hat, lê nekarî ew deriyên qerase bişkîne û bikeve hundir. Di deqîqeya 78'an de lîstikvanê Avusturyayê Hinteregger li pêşberî sehayê Ronaldo li erdê xist û hakêm Rizzolî biryara penaltiyê da. Wekî her gavî Ronaldo gog girt û xwe amade kir ji bo avêtinê, lê vê carê Ronaldo gog li dîreka qeleyê da û nekarî golê biavêje. (Goga Nani jî ji dîreka qeleyê vegeriya bû di deqîqeya 29'an de). Ger Portekîz ji komê dernekeve, yan jî bi awayekî têk here ev penaltî dê wekî sedem bê nîşandayîn. Bi gotina dawî Portekîzî nekarî keleha Avusturya fetih bike, maç bi 0-0 bi dawî bû, ji mecbûrî her yekî pûanek girt û ji bo maça dawî ber bi cihên xwe ve çûn.

Di dawiya her du maçên Koma F de niha Macaristan bi 4 pûanan yekemîn, Îzlanda û Portekîz bi 2 pûanan (rêza duyem û sêyem) û Avusturya xwedî pûanek e. Maça dawî ya komê roja 22'yê vê mehê tê lîstin. Macaristan ligel Portekîzê, Îzlanda jî ligel Avusturya ji bo ji komê derê dê kapê biavêje.

Reqora Ronaldo

Wekî notek: Erê ji bo Portekîzê ev encamek ne baş bû, Ronaldo ku nekarî penaltiyê veguherîne golê gelek dilşikestî bû lê di heman demê de Ronaldo rekorek şikand bi vê lîstikê re. Heta niha lîstikvanê ji Portekîzê Luis Figo (ji sala 1991'ê heta 2006'an) 127 caran formaya tîma xwe ya neteweyî li xwe kiribû û lîstibû, Ronaldo bi lîstina îro re bû 128 caran formayê li xwe dike û rekor şikand. 

 **

- Rûpela Taybet a Euro 2016

Û hin nûçeyên eleqedar:
 

- Ew ên ku Euro 2016 xemilandin!

- Ga dema rengek sor dibînin 3 caran êrîş dikin!

- Bê artêş û bê polîsan pûanek girt
- 'Karîzmayê' nekarî bi 'bêkarîzma'yê 

- Notên li ser UEFA 2016'an (Tîm, lîstikvan, t.dîrektor) 

- Tîmên heta niha Kûpaya Şampiyoniya Ewropa girtine