Diyarname

Şaredariya Pirsûsê navê Arîn Mîrxan a YPJ'yî li parkek kiribû û park ev salek bû vekirî bû. Piştî di tora civakî de wêneyê parkê û mesele belav bû nîvê şevê saet li dor 23.30 gelek polîsên ji tevgera taybet û çevîk kuvvetê hatin parkê, tabelaya hesinî ku navê Mîrxan lê ye birîn.

Arîn Mîrxan (Dilar Gencxemîs) a YPJ'yî dema li Girê Miştenûr di navbera YPG/YPJ û çeteyên DAIŞ'ê de şer berdewam dikir çalakiyek fedayî pêk anîn û tanga çeteyan rûxand. Piştî vê çalakiyê Mîrxan li nav şervanên YPJ'ê wekî sembolek bi cih bûye.

Di tora civakî de gelek kesên bi bernav dinivîsin Mîrxan wekî "terorîst" bi nav kirin, diyar e polîs jî di heman fikrî de bûn ku bêyî biryarek fermî nîvî şevê tabela jêkirin. Qeymeqamî îdîa kir ku bêyî biryara meclisê tabela li parkê hatiye kirin.

Tiştek din a balkêş jî ew e ku ev salek e ew tabela daliqandiye.