Amed

Hemşaredarê Amedî, parlamenterê HDP'î, îdarekerê KCD, DBP û HDP eyro serê Cadey Melîk Ahmetî de çalakiya rûniştişî viraşt û waşt qedexeyo serê qezaya Sûre de ameyo îlankerdiş bêro wedartiş. Hemserekan waşt peynî ene bêhiquqî bêro.

Hemşaredarê Bajarê Girde Gultan Kişanak û Firat Anli, Hemsereka Pêroyî ya DBP Emîne Ayna, Hemsereka KCD'î Selma Irmak, îdarekerê qeza û bajarî ê DBP û HDP Cadeya Melîk Ahmet ser de çalakîya roniştişî viraşt.

Hemserekê Bajarê Girde yê Amedî Firat Anli çalakîya roniştişî de xeberî da û  waşt wa qedexey serê Sûrî bêro wedartişî û vat: "Qezaya Sûre de nê 24 rojiyo ke vejîyayîşê teberî qedexe wo. Ma nêwazenê şarê xo tenî verdê. Heta ke qedexe bêro wedartişî ma kişta şarê Sûre de yê. Na 40 serra ke no welat de der û kulî estê. La şarê ma çi rey teslîm nêbîyo. Ma nêwazenê wa jo bêro kiştişî.”

Anli: Wa peynîya nê zilmî bêro

Anli persa, “Qey wazenê heme şarî ceza bikerê?” kerd û wina qal kerd: “Eke hema zî jo zî vengê ma pêhesîyeno wa ca de peynîya na bêhiqûqî bîyaro. Çi karê tang û topan mîyanê bajaran de esto. Aşmêke verî Serekê Baroya Amedî Tahîr Elçî kişta Minareya Çarlinge de ame qetilkerdiş. La hema zî kesê ke Elçî qetil kerdî nêvejîyayî orte. Çi beno wa bibo ma kişta şarê xo de yê. Ro roja yewbînî tepiştiş o.”