Diyarname
Navenda Rewşenbîrî û Hunerî ya Weşanxaneya Endêşe li Silêmanî semînerek ji bo nivîskar Helîm Yûsiv li dar dixe. Di daxuyaniya ku hatiye weşandin de hatiye gotin ku dê li ser romana kurmancî, mêjû û serhildan bi giştî li ser "Katêk masiyekan tîno debin" semîner bê li dar xistin.
Meha borî Weşanên Endêşa romana Helîm Yûsiv "Gava ku masî tî dibin" li soranî anîbû û çapkiribû. Her wiha di Festîvala Çandî de roja 14.11.2015'an bilav kiribû û festîvala ku her sal xelata romana kurdî dide nivîskarek ji parçeyek Kurdistanê ku îsal ev xelat dabû Helîm Yûsiv. Helîm Yûsiv ku di heman demê de nivîskarê malpera me ye jî xelata xwe ji destê nivîskar Bextiyar Elî girtibû.*
Piştî du hefteyan weşanxanê lîsteya pirtûkên xwe yên ku herî zêde hatibûn firotin derxistibû û di wê lîstê de diyar bû ku romana "Gava ku masî tî dibin" duyem pirtûk bû ku herî zêde hatiye firotin.
Semînera ku Helîm Yûsiv dê têde biaxive 19'ê vê mehê, saet 14.30 de li Navenda Rewşenbîrî û Hunerî ya Endîşe li dar dikeve.
*Nûçeya eleqedar:
- Xelata Romana Kurdî dan Helîm Yûsiv