Diyarname

Yek ji rewşerbîrên kurd Canip Yildirim ku li nav kurdan wekî "Canip Abê" hurmet dihat dîtin hat oxirkirin. Ji siyaseta kurd gelek kes beşdarî merasima cenazeyê wî bûn.

Canip Yildirim 90 salî bû. Ew di sala 1925"an de li Licêya Amedê hatibû dinê, 1944'en de li Enqreyê dest bi xwendina hiqûqê kiribû lê dûre çûbû Parîsê. Piştî vegerê li Amedê dest bi parêzerî kiribû. Wî jî di nav avakirina rojnameya İlerî Yurtê de cih girtibû û peywera berpirsê karên girtibûn ser milên xwe. 

Jiyana wî di nav têkoşînê de derbas bûbû. Wî mebûsiya TÎP'ê kiribû, dûre di nav gelek partiyên siyasî yên kurd (wekî HEP, DEP, HADEP, DTP) de cih girtibû. Yildirim yek ji bersûcê Doza 49'an bû. Yildirim 3'yê mehê jiyana xwe ji dest da. Cenazeyê wî hiro hat owirkirin. Ji bo vê li Mizgefta Kocatepe nimêja cenazeyê hat li darxistin. Ji siyaseta kurd Nacî Kutlay, Hevşeradê Amedê Firat Anli, yê Mêrdînê Ahmet Turk, yê Sêrtê Tuncer Bakirhan, yê Agirî Sirri Sakik, wezîrê karên hundir ê berê yê Tirkiyeyê Hikmet Çetin, Wekîlê Serokê Koma HDP"ê Îdrîs Baluken, mebûsê HDP'ê Mîr Dengîr Firat, yê CHP'ê Sezgin Tanrikulu, mebûsê berê Hamit Geylani jî di nav de gelek kes hebûn.

Hevalê wî Naci Kutlay got ku mirov çawa qala Yildirim bike jî dê gelek kêm be û got ku ew hem arîstokrat hem têkoşîner bû û diyar kir ku ew yek ji wan kesan bû ku di her demê de têkoşîna kurd daye ser hev.

Piştî merasimê cenazeyê wî li Goristana Karşiyaka ya Enqereyê hat definkirin.